Joel 2:28 - Kalin Apo Dios

²⁸ Makwas pay di daket ibokbok nan ispilitok ken dakayo am-in. Et awnit ipagtek nan an-akyo ay lalalaki ya bababai nan kalik. Nan aamam-ayo et awnitda iitawen nan gawis ay ommat ya nan bababalloyo et wada nan ipailak ken daida.

Joel 2:28 Iomraidhean Croise

Isaias 40:5

Dat maipaila nan kinadios nan apo et iilaen nan am-in ay ipogaw. Nan apo ay mismo nan nangwani isnan naay.”

Isaias 44:3

Awnitak agtan is danom nan ili ay maewew ya pabal-ek nan ginawang isnan nanakgang ay lota. Kaneg todi nan ikkak ay mang-ibokbok isnan panakabalinko isnan an-akmo ya ikkak ay mangbindisyon isnan ap-om.

Isaias 49:6

Dat kanan nan apo ken sak-en en, “Wada nan am-ammed ay ipaoblak ken sik-a ay baak. Baken kedeng nan mang-isagongam isnan kinangaton nan ipogaw di Israel ay nabay-an is ikkam nodi ibaak sik-a pay ay omey mang-itdo isnan baken Israelita ay manglawag isnan nemnemda ta waday waya ay maisalakan am-in ay ipogaw isnan batawa.”

Jeremias 23:25

Getkek nan kinkinwanin nan mamadto ay menkamkampot ay mang-iyos-osal isnan ngadanko. Kankananda en inpagtekko ken daida nan damag isnan iitawda.

Jeremias 23:28

Nan mamadto ay aped nin-iitaw et masapol ay ibagana ay aped iitaw. Dat abes nan mamadto ay nangdenge isnan inpagtekko et masapol ay kedeng nan ipagtekko is ibagana. Teken nan aped iitaw di mamadto isnan inpagtekko

Ezekiel 36:27

Awnitak ibokbok nan Ispiritok ken dakayo ta solotenyo nan bilinko dayopay ikkan nan lintegko ay inidyak ken dakayo

Ezekiel 37:14

Awnitak ibokbok nan Ispiritok ken daida ta matagoda daket ipatee daida isnan dagada. Et awnit siya nan mangtekanda ay sak-en nan apo. Inkalik ay awnitak ikkan na et tongpalek. Sak-en ay apo nan ninkali.”

Ezekiel 39:29

Awnitak ibokbok nan Ispiritok isnan Israelita daket adiyet baybay-an daida. Sak-en ay kangatowan ay apo nan ninkali.”

Daniel 7:1

Isnan omona ay tew-en ay nintotolayan din si Belsazar id Babilonia dat ipaiitaw Apo Dios si Daniel isnan esay labi ay mangipagtek ken siya isnan naayda. Insolatna nan iniitawna et siya dana.

Zacarias 12:10

Awnitak pabalinen nan ap-on din si David ya nan iJerusalem ay managseg-ang ya managlowalo. Dadat ilaen nan dinoy-okda dadat ilemet ay kaneg nan men-ilemetan di nateyan is bogbogtong ay anak. Pilmi nan ikkanda ay menbabawi ay kaneg nan ikkanda no matey nan damo ay anakda.”

Nomero 11:17

Et awnitak gomwab et makikaliyak ken sik-a isdi daket omala isnan tapin di laing ay nagapo isnan Ispiritok ay inidyak ken sik-a et idyak abes ken daida ta badanganda sik-a isnan biyangmo isnan naayda ay ipogaw et awnit adim iyeesang ay mang-aw-awit et.”

Lucas 1:67

Si aman Juan ay Zacarias et tinakdon nan Ispirito Santo danat kanan en,

Lucas 3:6

Tapno am-in ay ipogaw et ilaenda nan ibaan Apo Dios ay mangisalakan ken daida.”

Juan 7:39

Nan kayat ay kanan nan inbagan Jesus et nan Ispirito Santo ay nganngani ay dawaten nan mamati ken siya ngem egay kayet naidya tay masapol ay somagong si Jesus isnan kadayawana id daya esapay maidya.

Aapostolis 2:33

Ngem id wani wada si Jesus id daya isnan makanawan Apo Dios ay Amana ay kad-an di madaydayaw. Et intedna ken Jesus nan epdasna inkali ken siya et siya nan Ispiritona ay inpaalina ken dakami. Isonga dinngeyo ya inilayo nan menkalkaliyanmi isnan nateketeken ay kali.

Aapostolis 2:39

Tay nakitolag si Apo Dios ay mangwani en, ‘Am-in kayo ay ayagak et awnit komapet nan Ispirito Santo ken dakayo ya nan an-akyo ya nan ap-oyo, olay nan ipogaw ay baken Judio olay sino ay ipogaw ay ayagak et makapetda isnan Ispirito Santo.’”

Aapostolis 21:9

Wada abes nan epat ay an-akda ay bababassang ay mamadton Apo Dios.

Galacia 3:28

Isonga isnan ipogaw ay mamati, adi nemnemnemen Apo Dios no sino nan kaipogawda no Judioda wenno baken ya no baada wenno baken. Adina abes nemnemnemen no lalalakida wenno bababaida tay palipalisoda am-in. Kega es-esa nan kalasin di ipogaw ken siya gapo isnan maitatapiyanda ken Kristo.

Hebreo 1:1

Id kasin namin ado ay wada nan inpagtek Apo Dios isnan alal-apo tako. Natkenatken nan inikkana ay nangipagpagtek isnan kayatna ay ipagtek ngem isnan adoado ay mamadtona nan nangipagpagtekana ta ibagada isnan kaipoipogaw.