Joel 2:27 - Kalin Apo Dios

²⁷ Awnit getkenyo ay Israelita ay wadaak ken dakayo ya sak-en nan apo ay Diosyo et maid teken is dios. Awnit adi kasin maiiyaw nan ipogawko.

Joel 2:27 Iomraidhean Croise

Salmo 46:5

Adi polos magog-owad nan ilin Apo Dios tay olay isnan tan-o et wada siya ay mangsalsalaknib.

Salmo 68:18

Omey id ngato ay ibobowegna nan ado ay balod dadat men-idaton ken siya ay olay nan nang-ap-apos ken siya ta makatee nan apo ay Dios ken daida.

Isaias 44:3

Awnitak agtan is danom nan ili ay maewew ya pabal-ek nan ginawang isnan nanakgang ay lota. Kaneg todi nan ikkak ay mang-ibokbok isnan panakabalinko isnan an-akmo ya ikkak ay mangbindisyon isnan ap-om.

Isaias 44:8

Adi kayo omegyat ay ipogawko tay gegetkenyo ay menlogi id kasin enggana id wani et inpadtok nan am-in ay awnit ommat et dakayo nan mang-itakdeg ken sak-en. Ay waday teken is dios? Ay waday teken is manakabalin ay dios mo sak-en is egayko dindinnge? Maid.”

Isaias 45:18

Nan apo ay nangboliw isnan daya et siya et kedeng nan tet-ewa ay Dios. Siya gedan nan nangboliw isnan batawa danapay esten ay makneg ya adi kadadadael. Egayna aped sinapo ay maid silbina nodi ta mentean di kaipoipogaw. Et siya nan nangwani en, “Sak-en nan apo et maid teken is Dios.

Isaias 45:5

Sak-en nan apo et maid polos teken is dios nodi sak-en et kedeng et agtak sik-a is pigsa ay masapolmo ay olay no adika mangmangtek.

Isaias 45:6

Ikkak na tasiyay di am-iam-in ay ipogaw isnan solsolin di batawa et getkenda ay sak-en nan apo et maid teken is dios.

Isaias 53:6

Tay id kasin et kaneg tako nan naamas ay kalnilo ay wasdin di omey isnan omay-ayana et inmaddaaddawi tako ken Apo Dios. Ngem inpalobos nan apo ay ken siya nan maikkanan nan dosa ay dosa koma pala ken datako.

Ezekiel 37:6

Agtak dakayo is owat ya begas daket bongonen dakayo is kodil daket paangesen dakayo ta kasin kayo matago. Isnan keg todi et siya nan manggetkanyo ay sak-en nan apo.’ ”

Ezekiel 39:22

Et siya et nan panggetkan nan Israelita ay sak-en nan apo ay Diosda.

Ezekiel 39:28

Dat getken nan ipogawko ay sak-en nan apo ay Diosda. Getkenda na gapo isnan mang-ikaanak ken daida ay kaneg balod dat id wani daket dagopen daida ta somagongda isnan dagada ay maid polos olay esa is mabaybay-an.

Ezekiel 39:29

Awnitak ibokbok nan Ispiritok isnan Israelita daket adiyet baybay-an daida. Sak-en ay kangatowan ay apo nan ninkali.”

Joel 2:26

Ngem awnit wada nan adoado ay kanenyo ta mapnek kayo dayot dayawen nan apo ay Diosyo ay nangikkan isnan naayda ay kaskasdaaw pala ken dakayo. Et dakayo ay ipogawko et adi kayo kasin maiiyaw.

Sofonias 3:17

tay nan apo ay Diosyo et wada ken dakayo. Nan kabaelana nan gapo ay mangabak kayo. Awnit igasing nan apo dakayo et gapo isnan layadna ken dakayo et awnit agtana dakayo is balo ay biyag. Awnit menday-eng ya men-gasgasing gapo ken dakayo

Nomero 11:29

Dat kanan Moses en, “Ay madanaganka od ken sak-en? Sapay koma kitdin ta idyan nan apo nan Ispiritona isnan am-in ay ipogawna ta men-ipadtoda ay kaneg mamadto.”

2 Corinto 6:16

Ayke maibagay no maitapi nan sinang didios isnan mentetean Apo Dios? Adi adi. Isonga siyang na ken datako. Adi kabalin ay matapiyan tako is ngawi tay datako ay mamati nan mentetean nan naleleng-agan ay Dios. Kaneg nan kinwanin Apo Dios en, “Awnitak mentee ken daida. Sak-en nan Diosda ya daida nan ipogawko.”

1 Pedro 2:6

Tet-ewa nan kinwanik en kaneg Kristo nan katemteman ay bato tay naisolat isnan kalin Apo Dios nan nangiyaligana ken Kristo ay mangmangwani en, “Ilaenyo, ipegnadko id Sion nan napili ay nabanobanol ay bato et nan mangpati ken siya et adi polos mabainan.” Siya di nan kinwanin Apo Dios sapay omali si Kristo isnan batawa.

Naipagtek 21:3

Daket dengngen nan napigsa ay kali ay nagapo isnan tokdowan di mentolay ay mangwani en, “Id wani et makitetee si Apo Dios isnan ipogaw. Iib-aana daida et daida nan ipogawna. Owen, siya ay mismo nan makitetee ken daida et siya nan Diosda.