Joel 2:23 - Kalin Apo Dios

²³ Men-gasing kayo ay iJerusalem. Menlagsak kayo gapo isnan inikkan nan apo ay Diosyo ken dakayo. Inidyana nan ostoosto ay damo ay odan Tay pinaodana isnan pinag-odan ya isnan tiagew ay kaneg id kasin.

Joel 2:23 Iomraidhean Croise

Salmo 104:34

Sapay koma ta magasingan isnan kankanak tay magapo ken siya nan gasingko.

Salmo 147:8

Ipaeyna nan liboo isnan daya ya menpaodan isnan batawa danapay patobowen gedan nan loglogam isnan bilbilig.

Salmo 149:2

Dakayo ay Israelita, men-gasing kayo isnan nangboliw ken dakayo. Owen, gomasing kayo ay iSion gapo isnan kangatowan ay aliyo.

Salmo 28:7

Nan apo nan pamigsak ya siya nan kanegko kalasag. Nintalekak ken siya danat badngan sak-en. Men-galalasingak isonga ikantak nan dayawko ken siya.

Salmo 32:11

Gomasing kayo ay nalinteg, dakayopay menlagsak gapo isnan inikkan nan apo. Ibogawyo nan gasingyo, dakayo ay mangtongtongpal ken siya.

Salmo 84:6

Isnan menbab-aatanda isnan naaango ay tanap di Baca et dadama ay naligatanda ngem kaneg pinabalan Apo Dios nan danom isnan balaan ya kaneg waday nasapa is odan ay naolnong is danom isnan napopokong

Isaias 30:21

No maliweng kayo isnan daanyo et awnit dengngenyo siya isnan dokoganyo ay mangwani en, “Naay nan daan ay daanenyo.”

Isaias 61:10

Men-gasingak gapo isnan inikkan nan apo tay kanegna pinabadowan sak-en is gawigawis tay inpabadona ken sak-en nan mang-isalakanana ya nan kinalintegna ay intedna ken sak-en et kanegak nan napinapintas ay babai ay menaapang is gawigawis ay nakasagana isnan omayan nan mang-asawa ken siya.

Oseas 6:3

Getken tako ay siya nan tet-ewa ay apo isonga ipapati tako ay manggetek pay kayet ken siya. Nan katet-ewan nan awnitna omaliyan ken datako et kaneg nan sigolado ay domatngan nan tan-o ya nan tet-ewa ay domatngan di odan.”

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Aapostolis 14:17

Ngem wada met laeng nan mangtekanda ay wada siya gapo isnan gawigawis ay inik-ikkana ay pala ken daida. Tay siya nan mang-it-ited isnan odan ya nan bomgasan di nais-ek ta waday katatagowanyo tasiyay men-gasing kayo.”

Deuteronomio 11:14

No ikkanyo dana et ipaalina nan odan isnan dagayo isnan timpo ay mangsapolan di esekyo tapno adi kayo maaw-awanan is maapit ay kaneg nan pagey, nan esek ay sapowenyo is mainom ya nan kaiw ay olibo ay magapowan di lana.

Deuteronomio 32:2

Nan isolsolok ya nan kalik et lomsepda koma isnan nemnem di ipogaw ta bomgas ay kaneg nan ikkan di odan ya monglo ay mangsibog isnan mola.

Filipos 3:1

Kasinak ibaga ken dakayo ay bebsatko en men-galalasing kayo koma gapo isnan naitapiyanyo ken Apo Jesu Kristo. Adiyak maom-oma ay mangibagbaga isnan inbagbagak ken dakayo tay masapol ay maawatanyo ay osto ta adi mangawngawngaw nan pammatiyo.

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.

Filipos 4:4

Kanayon ay men-gasing kayo koma gapo tay wada si Jesu Kristo ken dakayo. Kasinek kasin ay mangwani en men-galalasing kayo koma.