Joel 2:22 - Kalin Apo Dios

²² Dakayo ay talaken, adi kayo gedan omegyat tay nan pagpastolan et ado nan logam. Nan kak-aiw et bomgasda ya adoado nan begas nan kaiw ay makwani en higos ya olay nan obas.

Joel 2:22 Iomraidhean Croise

Genesis 4:12

No men-esekka et adi tomobo ya apedka mendaddad-aan isnan batawa ay maid baeymo.”

Salmo 36:6

Makneg nan kinalintegmo ay kaneg nan kakeneg di bilbilig. Nan kinasilib di panagbanbanagmo et kaneg nan kaad-adaem di baybay. Sik-a, apo, nan mangtatago isnan ipogaw ya am-in ay menkiwkiwi.

Salmo 65:12

Isnan pagpastolan et mentaba nan logam et kagagasing nan kaiil-an nan bilbilig.

Salmo 65:13

Isonga nan pagpastolan et mamapno is talaken dapay abes nan om-om-a et menlalangto nan esek. Am-in isnan batawa et kanegda menkankanta is gasingda.

Salmo 67:6

Isnan mangbindisyonan Apo Dios ay Dios tako ken datako et pinalowebna nan lota ta ado nan maapit.

Isaias 51:3

Awnitko ipaila nan seg-angko isnan Jerusalem ya isnan am-in ay nabakas ay il-ilitna. Olay no pondag nan dagana et awnitak om-aen ay kaneg san om-a ay ineskak id Eden. Et id isdi, awnit wada nan gasing, lagsak ya kankantan di mendaydayaw ya meniiyaman ken sak-en.

Jonas 4:11

Isonga am-am-amedak adi koma is maseg-ang id Nineve ay napateg ay ili ay kad-an di nasolok ay singgasot et dowampoo ay libo ay kan-egda oongong-a tay maid pay laeng getkenda ya wada pay nan adoado ay talakenda.”

Zacarias 8:12

tay isnan men-eskanda et maid iyeg-egyatda dapay omanay nan odan ta bomgas nan esekda et ado nan maapit isnan dagada. Idyak am-in dana isnan nabay-an ay Israelita.

1 Corinto 3:7

Isonga atiatik nan silbin nan men-esek ya nan mensibog. Ngem nan mangsiken ay si Apo Dios et siya nan dakedake nan silbina.