Joel 2:16 - Kalin Apo Dios

¹⁶ Dagopenyo am-in nan ipogaw ta isaganayo daida ay men-gimong. Ayaganyo nan naeteng dayopay dagopen nan oongong-a ya olay gedan nan engnga. Olay nan kaas-asawa et masapol ay taynanda nan baeyda ta makigimongda.

Joel 2:16 Iomraidhean Croise

Salmo 19:5

Winakgat ay bomala nan agew ay kaneg na nan kaas-asawa ay pilmi nan gasingna ya kanegna gedan nan manglaylayad ay makilomba.

Exodo 19:10

Dat kanan nan apo ken siya en, “Omeyka isnan ipogaw ta ibagam ken daida en dalosanda nan aw-awakda id wani ya is wakgat esadapay mangdayaw. Masapol pay ay labaanda nan badbadoda.

Exodo 19:15

Dat kanan Moses ken daida en, “Masapol ay is katlona et nakasagana kayo et ya adiyo on-ona id-idlen nan as-awayo.”

Exodo 19:22

Olay nan papadi ay somag-en ken sak-en et masapol ay isaganada omon-ona nan aw-awakda tay no adida isagana esadapay somag-en et dosaek daida.”

Mateo 21:16

Dadat sooten ken Jesus, “Ay adim dengngen nan kankanan nan oongong-a?” Dat kanan Jesus, “Dedengngek ya. Ay egayyo binasa nan naisolat isnan kalin Apo Dios en initdowana nan oongong-a tapno ostoosto nan mangdaydayawanda ken siya?”

Mateo 9:15

Dat menpangngalig si Jesus ta ilawlawagna nan gapo ay adi menteptepe nan papasolotna et kanana, “Ay kananyo en adi makikan nan nadkat no daan nan nadawak ken daida? Adi mabalin. Ngem no omdan nan agew ay maapitan nan lalaki ay nadawak et siya di nan mentepeanda gapo isnan seg-angda.”

1 Corinto 7:5

Isonga no sin-asawa kayo adi kayo men-asiadi malaksig no mentoya kayo omona tay laydenyo ay mangnemnem isnan lowaloyo ken Apo Dios is kaat ay agew. Dat no makwas nan kaat ay agew, maseyep kayo kasin tapno adi mabalin ay dologen Satanas dakayo ay omey isnan bakenyo asawa gapo isnan adiyo makateppelan isnan kayatyo.

1 Samuel 16:5

Danat kanan en, “Owen, tay inmaliyak ay men-idaton isnan apo. Dalosanyo bawet nan aw-awakyo ta makidayaw kayo ken sak-en isnan men-idatonak.” Dinalosan gedan da Jesse ya nan an-akna nan aw-awakda dat ayagan Samuel daida ay makiidaton.