Joel 2:14 - Kalin Apo Dios

¹⁴ Sinoy mangtek? Baka sokatan nan apo ay Diosyo nan nemnemna danat seg-angan dakayo danapay agtan dakayo is adoado ay maapit et makaidaton kayo kasin ken siya is pagey ya basi.

Joel 2:14 Iomraidhean Croise

Exodo 32:30

Kawakgatana dat kanan Moses isnan deeyday ipogaw en, “Ninbasol kayo is mendagsen ngem omeyak id wani isnan bilig ay kad-an nan apo baleng pay maidawatko ta pakawanena nan basolyo.”

Jeremias 26:13

Isonga masapol ay pagawisenyo nan ogaliyo ya nan ik-ikkanyo dayot patiyen nan apo ay Diosyo ta adina itoloy nan ninemnemna ay mangdosa ken dakayo.

Jeremias 26:3

Et waay dadlo idngeda et isaldengda nan ngawi ay ik-ikkanda. No ikkanda na et adiyak itoloy nan ninemnemko ay mangdosa ken daida.

Amos 5:15

Dokoganyo nan ngawi dayopay layden nan osto ya makailanyo ta nan nalinteg nan maikkan isnan pag-okoman. Et waay seg-angan nan kangangatowan ay apo nan ipogaw ay daan ay matmatago isnan naay ay ili.

Jonas 1:6

Dat omey nan kapitan di bapol ken siya et kanana, “Dakan aped maseseyep? Bomangonka adi ta menpabadangka gedan isnan diosmo ta baleng pay seg-angana datako ta adi tako matey.”

Jonas 3:9

Baleng pay balbaliwan Apo Dios nan ninemnemna ta adi et makalkaliget ken datako ta adi tako matey.”

2 Timoteo 2:25

Nodi an-anosana ay mangpadas ay mangpaosto isnan nemnem nan mang-ap-apos ken siya ta baleng badangan Apo Dios daida ta ibabawida nan ngawi ta nan tet-ewa nan patiyenda.