Joel 2:13 - Kalin Apo Dios

¹³ Ipailayo nan seg-angyo isnan ik-ikkanyo tay adi omanay nan mangsingsingatanyo isnan badbadoyo is mangipaila. Somagong kayo isnan apo ay Diosyo tay naanos ya managseg-ang siya. Maan-anosana dakayo danapay tongpalen nan inkalina. Kanayon ay nakasagana ay mangpakawan ken dakayo ay adi mendosa.

Joel 2:13 Iomraidhean Croise

Genesis 37:29

Si Ruben ay maiwed issan linmaosan san nanglako ken Jose et sinmagong issan bobon ay mang-ayag koma ken Jose dat maiwed obpay si Jose isdi. Danat singaten nan badona gapo isnan seg-angna.

Genesis 37:34

Danat singaten nan badona gapo isnan seg-angna. Dat menbado is sako ta ilemetna tay siya di nan ogalida. Nabayag ay menseseseg-ang gapo isnan anakna.

2 Aali 5:7

Idi binasan nan alin di Israel nan solat dat makolkol nan nemnemna isonga danat singaten nan badona danapay kanan en, “Ayta dan kanan nan alin di iSiria en agasak nan naay ipogaw. Ay kanana ngen en diosak ta mabalin ay makatagowak ya makapateyak? Kagtekana ay kaytena et kedeng ay men-ilogi is sape.”

Nehemias 9:17

Inadyanda ay mangtongpal ya kinalingkinganda din nakaskasdaaw ay inik-ikkam. Et gapo isnan lastogda et ninpilida is ap-apoda ay mangisagong kano ken daida id Egipto ta olay kasinda mabab-aa. Ngem sik-a nan Dios ay managpakawan, managseg-ang, managlayad ya bakenka nalaka ay makaliget isonga egaymo binaybay-an daida

Salmo 103:8

Managlayad ya managseg-ang nan apo ya naanos ya adi menbalbaliw nan layadna.

Salmo 106:45

Gapo ken daida et egayna kinalkalingkingan din nakitolagana danat sineg-angan daida gapo isnan adi menbalbaliw ay layadna ken daida.

Salmo 34:18

Somasag-en nan apo isnan menseseg-ang danapay isalakan daida ay namaid namnamada.

Salmo 51:17

nodi nan daton ay mangpagasing ken sik-a, Apo Dios, et nan kinapakombaba tay adim iiyawen nan nababa ya managbabawi.

Salmo 86:15

Ngem sik-a apo nan Dios ay managseg-ang ya managlayad. Bakenka pay nalaka ay makaliget ya itoltoloy nan adi menbalbaliw ay layad ya talekmo.

Salmo 86:5

apo, gawigawis ya managpakawanka. Dadama pay nan adi menbalbaliw ay layadmo isnan am-in ay mendawat ken sik-a.

Isaias 57:15

Sak-en nan nangato ya manakabalin ay Dios ay matatago ay eng-enggana. Nan kad-ak et nangato ya nadiosan ngem makiteeak gedan isnan mang-ipababa isnan awakda ya mang-ibabawi isnan basolda tapno kasinko pabalinen daida ay matalek ya ta waday namnamada.

Isaias 58:5

No mentepe kayo et apedyo paligligaten nan aw-awakyo tay menyodong kayo ay kaneg nan logam dakayopay iyaplag nan sako dakayopay pay-an is dapo nan pagseyseyepanyo. Ay siya di nan kananyo en ikkan di mentepe? Waay kananyo en seg-angak dakayo no kaneg todi nan ikkanyo.

Jonas 3:9

Baleng pay balbaliwan Apo Dios nan ninemnemna ta adi et makalkaliget ken datako ta adi tako matey.”

Jonas 4:2

Danat kanan, “apo, ay egayak kinwani isdin esakpay komaan id baey ay siya na nan awnitmo ikkan isonga inkakamok et tomagtagak ay omey id Espania? Getkek ay managlayadka ya managseg-angka ay Dios, naanos ya kanayon ay nakasaganaka ay mangbaliw isnan ninemnemmo ta adika mendosa.

Nomero 14:18

‘Sak-en ay apo et bakenak nalaka ay makaliget et ipailak nan adi menbalbaliw ay layadko ya matalekak. Pakawanek gedan nan basol ya kinasokil. Ngem dosaek nan aan-ak ya aap-oyo isnan maikatlo ya maikap-at gapo isnan basol nan kaan-ak ken daida.’

Roma 2:4

Adiyo patgen samet nan pilmi ay anos Apo Dios ken dakayo. Ay adiyo getken ay pilmi ay an-anosan Apo Dios dakayo tay sesesed-ena nan mangibabawiyanyo isnan ngawi ay ik-ikkanyo?

Efeso 2:4

Ngem olay no kaneg todi et dadama kayet nan seg-ang ya badang Apo Dios tay dadama nan layadna ken datako.

1 Timoteo 4:8

Tay olay no waday paay nan mangipapigsaan tako isnan awak tako ngem am-amed nan kagawisna no papigsaen tako nan mangsolsolotan tako ken Apo Dios. Tay nan maikkan ay kaneg todi et siya nan mangbadbadang ken datako isnan biyag tako id wani ya isnan biyag tako ken Apo Dios.