Joel 2:12 - Kalin Apo Dios

¹² Kankanan nan apo en, “Ngem olay id wani et somagong kayo ken sak-en ay menbababawi, menteptepe ya men-ag-aga.

Joel 2:12 Iomraidhean Croise

Isaias 58:4

No menteptepe kayo et somokil kayo met tay kasasanape kayo ya mensisinogto kayo. Ay kananyo en nan kaneg tona ay panagtepe et dengngek nan lowaloyo?

Jeremias 3:22

Dat kanan nan apo en, “Ibabawiyo nan basbasolyo dakayo ay an-akko ay nangdokog ken sak-en ta pakawanek ya pabalinek dakayo ay matalek.” Dadat kanan en, “Owen, tongpalenmi sik-a tay sik-a nan Diosmi.

Jeremias 4:1

Dat kanan nan apo en, “Dakayo ay Israelita, no kayatyo ay somagong isnan iliyo et menbabawi kayo ya kasinyo tongpalen sak-en. No kaanenyo nan sinangdidios ay kaliligetko dakayot mamati ken sak-en

Jeremias 4:2

ya no tet-ewa ya nalinteg nan ikkanyo ay mensapata isnan ngadanko et awnit ilaen nan tap-in di ipogaw ay baken Israelita nan ik-ikkanyo dadat dawaten nan bindisyonko ya mangdaydayawda abes.”

Ezekiel 33:11

Ibagam ken daida ay kanak en nan katet-ewan nan matatagowak ay Dios et siya nan kaneg nan katet-ewan nan kanak ay adiyak men-gasing isnan mateyan di managbasol nodi nan kaytek et ta isaldengna ay menbasbasol tasiyay di matago. Dakayo ay Israelita, dokoganyo nan ngawi ay ik-ikkanyo. Ayta od dakayon kayten ay matey?”

Oseas 6:1

Dat kanan nan kaipoipogaw en, “Somagong tako isnan apo. Pinaligatna datako ngem sigolado ay awnitna agasan datako. Sinogatana datako ngem awnitna bedbedan nan sogat tako.

Aapostolis 26:20

tay inbagbagak isnan kaipoipogaw ta dokoganda nan basolda ta si Apo Dios di patiyenda dadapay ik-ikkan nan gawis ay mangipagtek isnan pammatida. Id Damasco nan damo ay nangisolowak is dadi dat id Jerusalem dat isnan kailiili isnan probinsiya ay naay ay Judea dat abes isnan baken Judio.