Joel 2:1 - Kalin Apo Dios

¹ Mentanggoyob kayo id Sion, ay napateg ay bilig Apo Dios ta ipagtekyo nan kaeegyat ay awnit ommat. Pomayegpeg kayo ay iJuda tay nganngani nan men-okoman nan apo.

Joel 2:1 Iomraidhean Croise

Salmo 119:120

Menpayegpegak is egyatko ken sik-a ya iyegyatko nan pangbanbanagmo.

Salmo 87:1

Pinakeneg nan apo nan ilina isnan napateg ay biligna.

Exodo 10:14

et maiwakatda isnan am-in ay ilin di Egipto et ompada isnan am-in ay lota ya solsolin nan ili. Kedeng na is kaad-adon di dodon is naila et awnit maid et kegtona is kaad-adon di dodon is kasin mail-ila.

Isaias 2:12

Isnan deey ay agew et ipagowab nan apo ay manakabalin nan men-et-etek ya nan menpapangato ya nan kedeng nan awakda is nenemnemenda.

Ezekiel 33:3

Dat no ilaen nan deey ay gowaldiya ay omal-ali nan bosoda dat mentanggoyob ta mang-ipagtek ken daida am-in.

Ezekiel 33:6

Ngem no nan gowaldiya nan nang-ila isnan bosoda dapay adi mentanggoyob ay mang-ipagtek dat omdan nan boso ay mangpatey ken daida et pabasolek nan gowaldiya isnan napateyan nan ipogaw. Managbasolda met laeng isnan nateyanda ngem pabasolek nan gowaldiya isnan napateyanda.

Joel 2:15

Mentanggoyob kayo isnan bilig nan Sion ta ibilinyo ay mentepeda dakayopay ibaga en madagopda.

Joel 2:31

Awnit bomolinget nan agew et awnit gomadangdang nan bowan ay kaneg basa esapay omali nan napateg ya kaeegyat ay agew nan apo.

Amos 3:6

No waday mentanggoyob isnan ili ay mangipagtek is gobat ay adi omegyat nan ipogaw? Ay waday kaeegyat ay ommat isnan ili no adi ikkan nan apo?

Amos 5:18

Kaseseg-ang kayo dakayo ay mangseseed isnan agew ay omaliyan nan apo. Ay ngan od di awnit ibadang nan deey ay agew ken dakayo? Dapay ken dakayo et awnit agew di bolinget di ay baken pat-a.

Sofonias 1:14

Nganngani et nan napateg ay agew nan apo. Owen, nganngani et ay omdan. Aye, awnit kaeegyat nan deey ay agew et olay nan katoledan ay soldado et awnit men-adawag.

Sofonias 1:16

Isnan agew ay deey et nan mamadnge et kedeng et nan ngalawngaw di tanggoyob di gobat ya nan bogaw di sosoldado ay manggobgobat isnan mamakneg ay il-ili ya ninkangangato ay baey di gowaldiya.”

Sofonias 1:7

Nganngani et nan agew ay men-okoman nan apo isonga adiyo itoltoltoloy ay menlillili isnan kawad-ana. Mensagsagana nan apo ay mang-ipapatey isnan ipogawna isonga intolokna nan mang-aamis ken daida ay mangpatey ya mangdadael id Juda.

Zacarias 8:3

“Awnitak somagong id Jerusalem ay napateg ay ilik et isdi nan menteak dat makwani en Ili ay Nalinteg ya nan bilig isdi et makwani en Bilig Apo Dios.

Malakias 4:1

Dat pay kanan nan manakabalin ay apo en, “Omdan et nan agew ay mapoowan nan am-in ay lastog ya ngawi ay ipogaw ay kaneg isnan mapoowan di gomang. Isnan agew ay deey et mapoowanda engganay maid polos mabay-an ken daida.

1 Corinto 14:8

Kaneg abes nan tanggoyob ay osalen nan soldado ay mang-ayag isnan iib-ana. No baken osto nan ikkana ay mangtanggoyob, ayke maawatan nan sosoldado ta mensaganada ay makigobat?

Filipos 2:12

Isonga naay di ibagak ken dakayo ay laylaydek. No siya di nan inik-ikkan Kristo et masapol abes ay managpati tako. Isnan kad-ak ken dakayo et pinatpatiyo sak-en ngem id wani ay maiwedak ken dakayo et am-amed koma nan ikkanyo ay mangpati isnan ibagbagak. Itoltoloyyo ay mang-ikkan isnan layden Apo Dios ta matongpal nan gandatna ay omosto nan pammatiyo. Ngem gapo tay adi kayo makatongpal no adina badangan dakayo et masapol ay ikabainyo ya iyegyatyo siya.

1 Tesalonica 5:2

tay getkenyo ay maid mangtek isnan agew ay ommatana. Kaneg nan domatngan nan mangakew nan omaliyan Kristo tay adina ipagtek sapay ommat.

Santiago 5:8

Isonga masapol abes ay anosanyo ay mangses-eed isnan somagongan Apo Jesu Kristo. Papigsaenyo nan nemnemyo ay mangtongpal ken siya tay nganngani nan somagongana isnan batawa.

1 Pedro 4:7

Naay da pay di ibagak. Gapo tay nan am-in et nganngani ay menpatengga isonga paostowenyo ay gawis nan nemnemyo dakayopay ten-en nan ik-ikkanyo tapno gawis nan menlowalowanyo.

Naipagtek 6:17

Tay id wani nan inomdanan nan kaeegyat ay ligetda et maid polos makaitoled is mangsango isnan ligetda.”