Jeremias 7:9 - Kalin Apo Dios

⁹ dakayopay men-akew, menpatey, makikamkamolala, menkampot isnan mensapataanyo, menpalti ay men-idaton ken Baal ya daydayawenyo nan dios ay egayyo gin-gintek id kasin.

Jeremias 7:9 Iomraidhean Croise

Exodo 20:3

Adi kayo mendaydayaw is teken ay dios nodi sak-en et kedeng.

Isaias 1:13

Adiyo dat iyali nan sanada ay maid silbina ay datonyo. Naomaak et isnan songsongda. Adyak maanosan nan men-gasgasinganyo isnan binowan ya dinomingo ya nan men-gimgimonganyo ay agin kayo dadayaw ken sak-en gapo isnan basbasolyo.

Isaias 58:2

Winakgat ay mangdaydayawda kano dadapay kanan en tongpalenda nan lintegko ya ikkanda nan gawis. Apedda pay dawaten en agtak daida is osto ay linteg ta magasinganda kano ay mangdaydayaw ken sak-en.

Jeremias 7:6

ya no isaldengyo ay mang-am-amis isnan sangaili, ngoso ya nan balo ya adi kayo menpatpatey isnan maid basolda ya isaldengyo ay mendaydayaw isnan sinangdidios ay mangipangawi ken dakayo

Roma 2:2

Getken tako ay ostoosto nan mangdosaan Apo Dios isnan ipogaw ay mang-ik-ikkan isnan ngawi ay kaneg da todi.

Deuteronomio 32:17

Ninpaltida is in-gasingda isnan aanito ay baken tet-ewa ay Dios ya isnan dios ay egayda polos gin-gintek ya isnan dios ay egay polos dinaydayaw din alal-apoda.

Naipagtek 21:8

Ngem nan mang-ik-ikkan is ngawi et kaeegyat nan awnit ommat ken daida tay am-in ay mangsolot ken Satanas ay kaneg nan adi matalek ya nan mangdokog isnan pammatida gapo isnan egyatda isnan ligat ya nan makiseyseyep isnan bakenda asawa ya mang-ik-ikkan isnan tap-in di asiasi ay kaneg todi ya nan menpatey is ipogaw, nan mentala ya men-ap-apos, nan mangpatpati is sinang didios ya am-in ay menkamkampot et awnitda mentetetetee isnan anaanawa ay menbidbidangan nan apoy ay kaneg nalilibowan ay makwani en maikadwa ay tetey.”

Naipagtek 22:15

Ngem adi mabalin ay songgep isdi nan mang-ik-ikkan is ngawi ay kaneg nan mang-ik-ikkan isnan ol-olay ya bomabai ya lomalaki, nan mentala, nan menpatpatey is ipogaw, nan mangpatpateg is sinang didios, nan men-al-allilaw ya nan menkamkampot. Am-in nan mang-ik-ikkan is dana et adida makasgep.