Jeremias 7:11 - Kalin Apo Dios

¹¹ Ay isnan pangiil-anyo et pagsowitikan nan Templok? Getkek tay mismo ay inilak nan ik-ikkanyo.

Jeremias 7:11 Iomraidhean Croise

Isaias 1:12

Ay sino nan nang-ibaga ken dakayo en omal-ali kayo ay aped mangpono isnan Templok?

Isaias 56:7

“Awnitak iyey dakayo id Sion ay nan nadiosan ay biligko daket pagasingen dakayo isnan baeyko ay paglowalowan dakpay dawaten nan idatonyo isnan altarko. Nan baeyko et paglol-owalowan di ipogaw ay nagapo isnan am-in ay ili.”

Jeremias 23:24

Maid makatabon is adiyak maila. Getkenyo met ay wawawawadaak isnan am-in.

Jeremias 7:10

Ay itoltoloyyo kayet ay mang-ik-ikkan isnan naayda ay kaliligetko dakayopay omali isnan Templok dakayot kanan en maid ommat ken dakayo tay wada kayo isnan Templo.

Mateo 21:13

Danat kanan ken daida en, “Naisolat isnan kalin Apo Dios en, ‘Nan baeyko et paglol-owalowan di ipogaw.’ Siya di nan inbagan Apo Dios ngem ngan nan ik-ikkanyo? Dakayon aped os-osalen ay pagsos-owitikan?”

Marcos 11:17

Danat isolowan daida ay mangwani en, “Naisolat isnan kalin Apo Dios en, ‘Nan baeyko et paglol-owalowan am-in di ipogaw.’ Siya di nan inpasolat Apo Dios ngem ngan nan ik-ikkanyo? Dakayon aped os-osalen ay pagsos-owitikan nan baeyna?”

Juan 2:16

Danat ibilin issan men-ilaklako is kalapati, “Ibalayo am-in dana. Ay inayan kayo pay, ay dakayon pabalinen ay pag-ilakowan nan baey Amak?”

Hebreo 4:13

Owen, isnan am-in ay binoliw Apo Dios et maid mabalin is maigago ken siya tay getkena nan am-iam-in ay maipanggep ken daida. Isonga makail-ilan tako tay siya nan masapol ay awnit tako mangibagbagaan isnan am-in ay ik-ikkan tako isnan natatagowan tako isnan batawa no banagena datako.