Jeremias 7:10 - Kalin Apo Dios

¹⁰ Ay itoltoloyyo kayet ay mang-ik-ikkan isnan naayda ay kaliligetko dakayopay omali isnan Templok dakayot kanan en maid ommat ken dakayo tay wada kayo isnan Templo.

Jeremias 7:10 Iomraidhean Croise

Jeremias 7:11

Ay isnan pangiil-anyo et pagsowitikan nan Templok? Getkek tay mismo ay inilak nan ik-ikkanyo.

Jeremias 7:14

isonga ikkak isnan naay Templok ay patpatgenyo ya isnan naay ili ay inidyak isdin alal-apoyo ya ken dakayo din inikkak isnan ili ay Silo id kasin.

Malakias 3:15

Dapay nan mang-iilaan tako isnan lastog ay ipogaw et daida nan men-gasgasing tay somikada isnan mangik-ikkananda is ngawi ya padasenda pay nan anos Apo Dios isnan ngawi ay ik-ikkanda et maid met kayet ommat ken daida.’ Kinwaniyo di.”

Mateo 23:13

Dat itoloy Jesus ay mangwani en, “Aye nan awnityo dosa, dakayo ay men-is-isolo isnan linteg ya Fariseo tay aginsosolot kayo ken Apo Dios. Seseyatanyo nan maitapi koma isnan mentolayan Apo Dios gapo isnan isolsoloyo ya isnan ik-ikkanyo. Adi kayo polos maitapi gapo isnan ogaliyo dayopay adi ipalobos nan mangkayat ay maitapi.

Juan 13:18

“Ngem baken kayo am-in is pangwaniyak en nadalos kayo tay getkek nan nemnemyo ay pinilik. Ngem masapol ay maikkan na ta matongpal din naisolat ay kalin Apo Dios id kasin ay naay, ‘Nan esa ay nakikan ken sak-en et nangisipsip.’

Juan 18:28

Wisngit dat ikaan san aap-apon di Judio si Jesus issan baey Caifas et eyeyda isnan baey Gobilnadol Pilato. Ngem egayda songgep tay nan ogalida et no songgepda isnan baey di baken Judio et adi mabalin ay makikanda isnan Fiestan di Linmaosan di Anghel tay bakenda nadalos.