Jeremias 4:2 - Kalin Apo Dios

² ya no tet-ewa ya nalinteg nan ikkanyo ay mensapata isnan ngadanko et awnit ilaen nan tap-in di ipogaw ay baken Israelita nan ik-ikkanyo dadat dawaten nan bindisyonko ya mangdaydayawda abes.”

Jeremias 4:2 Iomraidhean Croise

Genesis 22:18

Gapo ken sik-a et awnitak badangan nan adoado ay ipogaw isnan am-in ay kailiili. Owen, awnit tomet-ewana tay tinongpalmo nan inbilinko.”

1 Aali 3:6

Dat kanan Solomon en, “Kanayon ay ipap-ailam nan layadmo ken amak ay David tay siya nan esay baam ay nalinteg ya matalek dapay maid ngawi isnan nemnemna. Dakat itoltoloy ay manglaylayad ken siya isnan nang-agtam is anak ay lalaki ay naisned ken siya ay mentolay.

Salmo 72:17

Adi makalkalingkingan koma nan ngadana nodi menbayag ay kaneg nan kabayagan di agew nan kadkadngeana. Mabadangan am-in ay il-ili gapo ken siya dadapay idawat ay bindisyonan Apo Dios siya.

Salmo 99:4

Manakabalinka ay Ali ay mangkaykayat isnan ostoosto ya maid paam-amdem. Sik-a nan nang-iyali isnan kinaosto ya kinalinteg isnan Israelita.

Isaias 45:23

Nan inkalik et tet-ewa ya adi kasoksokatan. Ipapasnekko ay mang-ikali et awnit omali am-in ay ipogaw ay menpalintomeng ken sak-en. Awnitda kanan am-in en tet-ewa ay sik-a nan Dios.

Isaias 45:25

Sak-en ay apo nan awnit mang-isalakan isnan am-in ay ap-on Jacob et awnitda mangdayaw.”

Jeremias 7:5

Ngem no pagawisenyo nan ik-ikkanyo ya nan ogaliyo ta nan osto nan ikkanyo isnan wasdin esa ken dakayo

Oseas 2:19

Israel, awnitak asawaen sik-a daket adi taytaynan sik-a. Dakpay itoltoloy ay manglaylayad ya mangsegseg-ang ken sik-a ya awnitak menkowa sik-a ay eng-enggana.

Joel 2:12

Kankanan nan apo en, “Ngem olay id wani et somagong kayo ken sak-en ay menbababawi, menteptepe ya men-ag-aga.

Zacarias 8:8

tay ayagak daida isnan solsolin nan batawa ta isagongko daida id Jerusalem ay teanda. Awnit daida nan ipogawko et sak-en nan Diosda ya nalinteg ya gawis nan ikkak ay mang-itolay ken daida.

1 Corinto 1:31

Isonga kaneg nan naisolat id kasin en no waday ipangato tako et baken nan awak tako nodi si Kristo nan maipangato.

2 Corinto 10:17

Ngem kaneg nan nakwani isnan solat Apo Dios en, “No layden nan ipogaw ay mendayaw et baken nan awakna is dayawena nodi si Apo Dios nan dayawena.”

Galacia 3:8

Olay nan baken Judio et maitapida gedan isnan ipogaw ay gawis nan pangiilaan Apo Dios no mamatida. Inpagtek Apo Dios di ken Abraham id kasikasin. Kinwanina en, “Gapo ken sik-a awnitak badangan nan adoado ay ipogaw isnan am-in ay kailiili.” Isonga epdas nagtek isnan naisolat ay kalin Apo Dios nan gawis ay damag ay mangibaga isnan badangna isnan kaipoipogaw.

Deuteronomio 10:20

Ipategyo nan apo ay Diosyo ta siya et kedeng nan daydayawenyo. Itoltoloyyo nan talekyo ken siya et no mensapata kayo et nan ngadana et kedeng nan iyosalyo.

Deuteronomio 6:13

Patgenyo nan apo ay Diosyo ta siya et kedeng nan daydayawenyo ya kedeng nan ngadana is osalenyo no mensapata kayo.

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.