Jeremias 32:41 - Kalin Apo Dios

⁴¹ Men-gasgasingak isnan mang-ik-ikkanak is gawis ken daida ya isnan am-in ay kabaelak et eestek daida ta menteeda ay eng-enggana isnan naay daga.”

Jeremias 32:41 Iomraidhean Croise

Salmo 80:8

Dakami ay ipogawmo et kanegmi nan menkawat ay esek ay inkaanmo id Egipto dakat is-ek isnan daga ay ginowadmo isnan akindaga.

Isaias 62:4

Adika et makmakwani en, “Nabaybay-an ay Daga” wenno “Daga ay Kinalingkingan Apo Dios” nodi nan balo et ay ayagmo et “Daga ay Kagagasing Apo Dios” ya “Nalagsak ay Nakiasawa” tay kagagasing nan apo sik-a et kowana et sik-a.

Isaias 62:5

Awnit men-galalasing nan an-akmo, Jerusalem, ay mang-ayowan ken sik-a ay kaneg nan gasing di baballo isnan mang-asawaana isnan babassang. Et pilmi nan gasing Apo Dios ken sik-a ay kaneg nan gasing di kaas-asawa.

Isaias 65:19

Olay sak-en mismo et pilmi nan gasingko gapo isnan Jerusalem ya nan ipogawna. Awnit maid am-in nan gapo ay men-ag-agaanda ya maid menpabadbadang.

Sofonias 3:17

tay nan apo ay Diosyo et wada ken dakayo. Nan kabaelana nan gapo ay mangabak kayo. Awnit igasing nan apo dakayo et gapo isnan layadna ken dakayo et awnit agtana dakayo is balo ay biyag. Awnit menday-eng ya men-gasgasing gapo ken dakayo

Deuteronomio 30:9

Awnit panam-ayen nan apo ay Diosyo dakayo isnan am-in ay ikkanyo. Awnit kayo maganak ya magabay kayo isnan talakenyo ya isnan paypayewyo. Awnit magasingan nan apo ay mangpanam-ay ken dakayo ay kaneg din gasingna isdin alal-apoyo id kasin.