Jeremias 3:23 - Kalin Apo Dios

²³ Egay polos nangbadbadang nan sinangdidios ay dinaydayawmi isnan bilbilig tay nan badang ay pala ken dakami ay Israelita et magapo ken sik-a apo ay Diosmi.

Jeremias 3:23 Iomraidhean Croise

Salmo 3:8

Sik-a, apo, nan magapowan di kaisalakanan. Sapay koma ta bindisyonam nan ipogawmo.

Salmo 62:7

Nan kaisalakanak ya kaidayawak et magapo ken Apo Dios tay siya nan napigsa ay mangsalsalaknib ya menkamkamangak.

Isaias 43:11

Sak-en et kedeng nan apo et kedkedengak is makaisalakan ken dakayo.

Isaias 45:20

Kinwanin pay nan apo en, “Madagop kayo ay kaipoipogaw, dakayo am-in ay nabay-an issan naabakan di aali. Omali kayo ta mabanag kayo, dakayo ay mang-iliblibot isnan tinagtago ya menlol-owalo ken daida ay sinangdidios ay adi makaisalakan. Nan kaneg todi ay ipogaw et maid polos nemnemna.

Jeremias 14:8

tay sik-a et kedeng nan namnaman nan Israelita ya sik-a nan mangisalakan ken dakami isnan maligligatanmi. Ngem ayta od dakan kaneg sangaili isnan dagami? Kanegka nan menbibiyahi ay omapa is esay labi et kedeng.

Jeremias 31:7

Kanan nan apo en, “Menkanta kayo ay men-gasgasing dakayo ay Israelita tay dakayo nan kapatgan isnan am-in ay ipogaw. Ikantayo nan mangdaydayawanyo ta kananyo en, ‘Insalakan nan apo nan nabay-an ay ipogawna.’

Juan 4:22

Dakayo ay iSamaria et adiyo getken no sino nan daydayawenyo ngem dakami ay Judio et getkenmi nan daydayawenmi tay nagapo isnan Judio nan awnit mangisalakan.