Jeremias 3:19 - Kalin Apo Dios

¹⁹ Dat kanan nan apo en, “Kalalayadko ay ibilang dakayo ay Israelita ay an-akko dakpay agtan dakayo is gawis ay daga ay kagawisan ay tawid isnan batawa. Kanak pay no ibilangyo abes sak-en ay amayo ya adiyo koma dokdokogan sak-en.

Jeremias 3:19 Iomraidhean Croise

Salmo 106:24

Iniyawda pay kitdin san gawigawis ay daga tay egayda pinati nan inkalin Apo Dios ken daida.

Salmo 16:6

Gawigawis nan inpatawidmo ken sak-en tay mappay nan daga ay sakopna.

Salmo 89:26

Awnitna kanan ken sak-en en, ‘Sik-a nan amak. Sik-a nan Diosko ay mangsalaknib ya mang-isalakan ken sak-en.’

Isaias 64:8

Ngem sik-a apo nan amami. Kaneg dakami nan kolayeng et kaneg sik-a nan mensapsapo is banga tay binoliwmo dakami

Jeremias 31:9

Awnit men-ag-aga nan ipogawko ay somagong dakpay liwliwaliwen daida isnan mang-isagongak ken daida. Awnitak ipango daida isnan sag-en di danom. Ipangok gedan daida isnan mendawes ay daan ta adida maisogsogto tay sak-en nan aman di Israelita et si Efraim nan iyon-ada.

Efeso 1:5

Id sang-adom et ninemnem Apo Dios ay menbalinena datako is an-akna maipoon isnan ikkan Jesu Kristo. Siya nan layden Apo Dios ay ommat ken datako gapo isnan dadama ay layadna ken datako.

Hebreo 10:39

Ngem baken kaneg todi nan ik-ikkan tako tay baken tako kaneg nan ninsanod ay mamati ay adi maisalakan. Nodi itoltoloy tako ay mamati tapno tet-ewa ay maisalakan tako.

1 Pedro 1:17

Et adiyo kalkalingkingan ay si Amayo ay Apo Dios ay menlol-owalowanyo et maid pakaam-amdena no men-ibanag siya nodi awnit banagena nan tonggal esay ipogaw gapo isnan tet-ewa ay inik-ikkana. Isonga masapol ay iyegyatyo siya isnan matatagowanyo.