Jeremias 26:13 - Kalin Apo Dios

¹³ Isonga masapol ay pagawisenyo nan ogaliyo ya nan ik-ikkanyo dayot patiyen nan apo ay Diosyo ta adina itoloy nan ninemnemna ay mangdosa ken dakayo.

Jeremias 26:13 Iomraidhean Croise

Exodo 32:14

Isonga daet ibabawin nan apo san kinwanina et egayna et dosaen nan ipogawna.

Isaias 1:19

Basta kitdi tongpalenyo sak-en et awnit gawis nan biyagyo et mangmangan kayo isnan ganagwis ya men-imis ay bongan nan dagayo.

Isaias 55:7

Dakayo ay nasokil, isaldengyo nan ngawi ay ogaliyo dayopay teknen nan panagnemnemnemyo ta somagong kayo isnan apo ay Dios tako ta seg-angana dakayo danat pakawanen nan basbasolyo tay dadama nan seg-angna isonga managpakawan.

Jeremias 26:3

Et waay dadlo idngeda et isaldengda nan ngawi ay ik-ikkanda. No ikkanda na et adiyak itoloy nan ninemnemko ay mangdosa ken daida.

Ezekiel 33:11

Ibagam ken daida ay kanak en nan katet-ewan nan matatagowak ay Dios et siya nan kaneg nan katet-ewan nan kanak ay adiyak men-gasing isnan mateyan di managbasol nodi nan kaytek et ta isaldengna ay menbasbasol tasiyay di matago. Dakayo ay Israelita, dokoganyo nan ngawi ay ik-ikkanyo. Ayta od dakayon kayten ay matey?”

Joel 2:14

Sinoy mangtek? Baka sokatan nan apo ay Diosyo nan nemnemna danat seg-angan dakayo danapay agtan dakayo is adoado ay maapit et makaidaton kayo kasin ken siya is pagey ya basi.

Jonas 3:9

Baleng pay balbaliwan Apo Dios nan ninemnemna ta adi et makalkaliget ken datako ta adi tako matey.”

Jonas 4:2

Danat kanan, “apo, ay egayak kinwani isdin esakpay komaan id baey ay siya na nan awnitmo ikkan isonga inkakamok et tomagtagak ay omey id Espania? Getkek ay managlayadka ya managseg-angka ay Dios, naanos ya kanayon ay nakasaganaka ay mangbaliw isnan ninemnemmo ta adika mendosa.

Deuteronomio 32:36

Awnit isalakan nan apo nan ipogawna no ilaena ay maidet kabaelanda. Danat seg-angan daida ay mensilsilbi ken siya no ilaena ay nakapsotda.

Hebreo 5:9

Isonga gapo tay maid polos ngawi is inik-ikkana et siya nan naibagay ay natey ay nangbayad isnan basbasol di ipogaw tapno maisalakan ay eng-enggana nan am-in ay mangpati ken siya.