Jeremias 23:6 - Kalin Apo Dios

⁶ Isnan timpona et awnitda maisalakan ay Juda ya awnit maid iyeg-egyatda ay Israel. Awnit ngadananda nan deey ay ali is ‘Nan apo ay Mangisalsalakan.’ ” Siya dadi nan kinwanin nan apo.

Jeremias 23:6 Iomraidhean Croise

Salmo 45:5

Naagidan nan panam et mentodokda nan poson di manggobat ken sik-a ya menpakombaba nan kailiili ken sik-a.

Exodo 9:26

Et kedeng id Gosen ay kad-an di Israelita is egay nindalalo.

Isaias 2:4

Awnitna banagen nan lilin di dadadake ay il-ili ta men-asitalnada. Isonga dadat pandayen nan ispadada ta estenda is alado ya nan balbegda is kompay. Et adiyet men-gobgobat nan kailiili wenno mensagsagana ay makigobat.

Isaias 35:9

Maid layon ya nasokil ay animal ay mendaan isdi tay kedeng nan insalakan nan apo nan mendaan isnan deey ay daan.

Isaias 42:6

“Sak-en ay apo nan nang-ayag ken sik-a daket agtan sik-a is panakabalinmo tapno makailam ta nalinteg nan maik-ikkan isnan batawa. Sik-a nan kanegko awak ay makitolag isnan am-in ay ipogaw. Et gapo ken sik-a et malawagan nan nemnem di kaipoipogaw isnan batawa.

Isaias 7:14

Id wani ngalod et nan apo mismo nan mang-idya is sinyal. Awnit maliton nan babassang ay maid nang-iseyseyep et omanak is lalaki danat ngadnan is Immanuel.

Isaias 9:6

Tay wada nan lalaki ay maiyanak pala ken datako et awnit siya nan mentolay ken datako. Awnit siya nan makwani en, “Masilib ay mamagbaga,” “Manakabalin ay Dios,” “Ama ay eng-enggana,” “Alin di menlamlamnin.”

Jeremias 32:37

ngem awnitko kayet ayagan nan ipogawko ay inwakatko isnan il-ili ay nangiwakatak gapo is ligetko ta isagongko daida ta menteeda isna ay maid iyeg-egyatda.

Oseas 2:18

Isnan deey ay timpo et awnitak makitolag isnan am-in ay atap ay animal ya koyat tapno adida paeg-egyaten nan ipogawko. Awnitko gedan kaanen am-in ay maosal isnan gobat, am-in ay gamig ya pana isnan iliyo tapno menlamlamnin nan ipogawko isnan matatagowanda ay maid iyeg-egyatda.

Roma 3:22

Nan gapo ay mabalin ay gawis nan pangiilaan Apo Dios isnan kaipoipogaw et gapo isnan pammati tako ken Jesu Kristo. Olay kompolmi ay ipogaw ay mamati ken Jesu Kristo et gawis nan pangiilaan Apo Dios ken daida tay maid paam-amdena ken daida am-in.

1 Corinto 1:30

Tay nan am-in ay wada ken datako et nagapo ken siya. Owen, siya nan nangitapi ken datako ken Jesu Kristo. Et siya di nan gapo ay wada nan silib tako ya nan gapo ay awnit maid mangdelawan Apo Dios ken datako. Si Kristo gedan nan nangsobot ken datako ya nan gapo ay mabalin ay nadiosan tako ay ipogaw.

2 Corinto 5:21

Tay inpaalina si Kristo ay maid polos basolna ta siya nan manglak-am isnan basbasol tako. Inikkana di tapno waday somya ay maitapi tako ken siya isnan kinagawisna gapo isnan maitatapiyan tako ken Kristo.

Filipos 3:9

tapno maitatapiyak ken siya. Baken nan gawis ay ikkak ay mangtongpal isnan linteg di gapo ay maibilangak ay gawis nodi isnan pammatik ken Jesu Kristo. Tay si Apo Dios nan kagapowan nan kinagawis nan mamati ken siya et gawis nan pangiilaana ken daida gapo isnan pammatida.