Jeremias 23:5 - Kalin Apo Dios

⁵ Nganngani et nan timpo ay mangpiliyak isnan osto ay ali ay magapo isnan ap-on din si David. Nan ali ay deey et awnit masilib et awnit osto ya nalinteg nan ikkana.

Jeremias 23:5 Iomraidhean Croise

Salmo 45:4

dat isnan kinangatom et omeyka mangabak ta salaknibam nan kinalinteg ya kinatet-ewa. Isnan pigsam et maila nan katataa ay ik-ikkam.

Salmo 80:15

Omalika ta isalakanmo dakami ay inis-ekmo ya nan egay kaeteng ay pingi ay pinapigsam.

Salmo 99:4

Manakabalinka ay Ali ay mangkaykayat isnan ostoosto ya maid paam-amdem. Sik-a nan nang-iyali isnan kinaosto ya kinalinteg isnan Israelita.

Isaias 42:6

“Sak-en ay apo nan nang-ayag ken sik-a daket agtan sik-a is panakabalinmo tapno makailam ta nalinteg nan maik-ikkan isnan batawa. Sik-a nan kanegko awak ay makitolag isnan am-in ay ipogaw. Et gapo ken sik-a et malawagan nan nemnem di kaipoipogaw isnan batawa.

Isaias 45:24

Dadapay kanan en si Apo Dios et kedeng nan kagapowan di kinalinteg ya pigsa. Ngem am-in ay mangliliget ken sak-en et awnitda mabainan.

Isaias 52:13

Dat kanan nan apo, “Awnit tongpalen nan baak nan oblana et awnit maingato ya maidayaw siya.

Isaias 53:10

Kanan nan apo, “Sak-en nan akinnemnem ay men-ikalo siya. Et nan nateyana nan daton ta mapakawan nan basbasol di ipogaw. Isnan keg todi et awnitna ilaen nan aan-akna ya mabayag nan matatagowana et gapo ken siya et matongpal nan laydek.

Isaias 53:2

Kinayat nan apo ay nan baana et masiken ay kaneg nan esek ay tinmobo isnan nanakgang ay lota. Adi awisen nan ilana nan liknami ay mang-ila. Maid polos begewna ya maid polos makaawis is ilana tapno sag-enenmi.

Isaias 9:5

Awnit maisonod am-in ay botas ya nabasaan ay badbado ay inosal di sosoldado ay nakigobat.

Isaias 9:6

Tay wada nan lalaki ay maiyanak pala ken datako et awnit siya nan mentolay ken datako. Awnit siya nan makwani en, “Masilib ay mamagbaga,” “Manakabalin ay Dios,” “Ama ay eng-enggana,” “Alin di menlamlamnin.”

Isaias 9:7

Nan itolayana et omad-ad-ado ya awnit nan lamnin et eng-enggana tay siya nan mangtawid isnan mentolayan din alapona ay si Ali David. Menlogi id wani et enggana et nan osto ya nalinteg nan ikkana isnan mentolayana. Tet-ewa ay ikkan nan apo ay manakabalin am-iam-in dana tay siya nan kayatna ay maikkan.

Jeremias 23:6

Isnan timpona et awnitda maisalakan ay Juda ya awnit maid iyeg-egyatda ay Israel. Awnit ngadananda nan deey ay ali is ‘Nan apo ay Mangisalsalakan.’ ” Siya dadi nan kinwanin nan apo.

Ezekiel 34:16

Awnitak anapen nan naamas dakpay ipasagong nan inmaddawi dakpay bedbedan nan nasogatan ya agasan nan nasakit. Ngem nan mentatba ya napigsa et awnitak dadaelen tay esaak ay menpaspastol ay mang-ikkan is gawis.

Mikias 5:3

Et awnit baybay-an nan apo nan ipogawna enggana ay iyanak nan babai nan anakna ay lalaki. Makwas di daet somagong nan ipogawna ay naipakaan ay kaneg balod ta kasinda maipos-a isnan kailyanda ay Israelita.

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Mateo 2:2

“Into nan onga ay naiyanak ay awnit men-ali isnan Judio? Tay isnan kad-anmi isnan balaan di agew et inilami nan talaw ay nangipagtek ken dakami isnan naiyanakana isonga inmali kami ay mangdayaw ken siya.”

Juan 1:45

Dat anapen Felipe si Natanael danat kanan, “Dinas-anmi nan ipogaw ay insolat Moses isnan liblo ay naisolatan nan linteg ya din insolat din mamadto. Siya si Jesus ay iNazaret ay anak Jose.”

Juan 1:49

Dat kanan Natanael, “Apo, sik-a od nan Anak Apo Dios. Sik-a nan ali ay sedsed-enmi isna id Israel.”

1 Corinto 1:30

Tay nan am-in ay wada ken datako et nagapo ken siya. Owen, siya nan nangitapi ken datako ken Jesu Kristo. Et siya di nan gapo ay wada nan silib tako ya nan gapo ay awnit maid mangdelawan Apo Dios ken datako. Si Kristo gedan nan nangsobot ken datako ya nan gapo ay mabalin ay nadiosan tako ay ipogaw.

Hebreo 8:8

Ngem mamagtek ay wada nan kolangna tay binmasbasol kayet nan nangsolsolot. Isonga deldelawen Apo Dios daida isnan nangwaniyana en, “Kanak en awnit omdan nan timpo ay mangsapowak isnan balo ay tolag isnan ipogawko ay magapo isdin si Israel yas Juda.

Naipagtek 19:11

Maaw-awni pay daket ilaen ay menlokat nan daya dat bomala nan polaw ay kabayo. Et wada nan mensasakay ay kangadan is Matalek ya Tet-ewa tay nan ik-ikkana ay menbanag et ostoosto ya nalinteg nan ikkana ay manggobat isnan mang-ap-apos ken siya.