Jeremias 23:3 - Kalin Apo Dios

³ Awnitak dagopen nan nabay-an ay ipogawko isnan il-ili ay nang-iwalasak ken daida daket pasagongen daida isnan osto ay ilida. Awnitda maganaganak et omadoadoda.

Jeremias 23:3 Iomraidhean Croise

Salmo 106:47

Isalakanmo dakami apo ay Diosmi dakat dagopen dakami isnan kailiili ta men-iyaman kami ken sik-a ya menlagsak kami isnan mang-idaydayawanmi ken sik-a.

Jeremias 31:7

Kanan nan apo en, “Menkanta kayo ay men-gasgasing dakayo ay Israelita tay dakayo nan kapatgan isnan am-in ay ipogaw. Ikantayo nan mangdaydayawanyo ta kananyo en, ‘Insalakan nan apo nan nabay-an ay ipogawna.’

Jeremias 31:8

Ipasagongko daida am-in ay wada isnan solsolin nan batawa. Makkey ken daida nan kowap ya nan pilay, nan maliliton ya nan nganngani ay omanak et awnitda adoado ay somagong.

Jeremias 32:37

ngem awnitko kayet ayagan nan ipogawko ay inwakatko isnan il-ili ay nangiwakatak gapo is ligetko ta isagongko daida ta menteeda isna ay maid iyeg-egyatda.

Ezekiel 11:17

Isonga ibagam ken daida ay sak-en ay kangatowan ay Dios et siya na nan kanak. Awnitko dagopen daida isnan il-ili ay nang-iwakatak ken daida ta isagongko nan dagan di Israel ken daida.

Ezekiel 36:24

“Awnitak ibala dakayo isnan naiwalasanyo ay il-ili ta isagongko dakayo isnan osto ay iliyo