Jeremias 23:2 - Kalin Apo Dios

² Isonga sak-en ay apo ay Dios di Israelita et siya na nan kanak maipanggep issan mang-ayowan koma isnan ipogawko. Kanak en gapo tay egayyo inayowanan nan ipogawko ya egayyo inolnos daida dayopay inabog daida isonga dosaek dakayo id wani isnan ngawi ay inikkanyo.

Jeremias 23:2 Iomraidhean Croise

Exodo 32:34

Ngem awnit omdan nan agew ay mangdosaak isnan naayda ay ipogaw gapo isnan basolda. Sik-a pay et omeyka kitdin ta ipangom nan naayda ay ipogaw isnan daga ay inbagak ken sik-a. Adim kalkalingkingan ay wada nan anghelko ay mangipangpango ken sik-a.”

Jeremias 17:10

Ngem kedkedengak ay apo isnan mangtek isnan am-in ay nemnemnemen di ipogaw isonga sak-en nan mangsobalit isnan tonggal esa ken daida isnan kaneg nan inik-ikkanda.”

Ezekiel 34:5

Gapo tay maid mang-ipaspastol ken daida et naiwakatda dapay isdan di atap ay animal nan tapina.

Mateo 25:36

Et isdin kamaid badok et nangbadbado kayo gedan ya nang-ay-ayowan kayo isdin nasaksakitak dakayo pay inmal-ali ay nangtoytoya isdin naibalbalodak.’

Mateo 25:43

Isdin sangsangailiyak et egay kayo nang-ayag dakayo pay egay nangbadbado isdin kamaid badok ya egay kayo nang-ay-ayowan isdin nasaksakitak ya naibalbalodak.’

Santiago 1:27

Ngem nan kanan Apo Dios ay Ama tako en nan tet-ewa ay pammati et nan mangtek ay mangbadang isnan ngoso ya nan balo isnan maligligatanda ya adina solsoloten nan ngawi ay ogalin nan adi mamati ken Kristo.