Jeremias 20:8 - Kalin Apo Dios

⁸ Et no tonggal menkaliyak et kanayon ay ibibiyadko ay mangwani en kaeegyat nan ommat ken dakayo tay awnit dadama nan dosayo. Nan mang-ibagbagaak isnan kalim nan gapo ay mang-oyaoyawda dadapay mangselaselat.

Jeremias 20:8 Iomraidhean Croise

2 Cronicas 36:16

Ngem sinelselatda nan mamadton Apo Dios dadapay am-ammengan ya adida ikaskaso nan kankananda engganay pilmi et nan liget nan apo isnan ipogawna et adida et mabalin ay mapakawan.

Jeremias 15:15

Dat itoloy Jeremias ay mangwani en, “apo, getkek ay getkem nan ligatko. Nemnemem sak-en ya mangbadangka. Baesam nan mang-aamis ken sak-en. Adim koma an-anosan daida ta adida mangpatey tay gegetkem ay nan gapona ay maoy-oyawak et nan mensilsilbiyak ken sik-a.

Jeremias 20:7

Dat kanan Jeremias en, “Nang-allilawka apo. Wada nan kabaelam od mo sak-en isonga nang-abakka. Mangselaselat nan kaipoipogaw ya am-ammenganda et sak-en.

Jeremias 7:9

dakayopay men-akew, menpatey, makikamkamolala, menkampot isnan mensapataanyo, menpalti ay men-idaton ken Baal ya daydayawenyo nan dios ay egayyo gin-gintek id kasin.

Habakuk 1:3

Ayta dakan ipalikna ken sak-en nan ado ay ligat? Dakan pay ipalobos nan ngawi ay om-ommat? Ado ay panangdadael ya golo nan wada isnan sag-enko ya mensapsape ya mensongsongbat nan kaipoipogaw isnan batawa.

Lucas 11:45

Dat kanan nan esay men-is-isolo isnan linteg ken Jesus, “Apo, isnan mangmangwaniyam issa et maitaptapi kami ay mabab-ainan.”

Hebreo 11:26

Tay ninemnemna en gag-awis no mapaligatan siya gapo isnan mangpatpatiyana isnan pinilin Apo Dios ay awnit mentolay mo nan mangganabana isnan am-in ay kinabaknang nan iyEgipto tay ninemnemnemna nan ligalo id daya ay maited ken siya.

1 Pedro 4:14

Et nagasat kayo no nan mangsolsolotanyo ken Kristo di gapo na is madeldelawanyo tay siya nan mangipaila ay wada ken dakayo nan kangangatowan ay Ispirito ay Ispiriton Apo Dios.