Jeremias 20:12 - Kalin Apo Dios

¹² Ngem sik-a apo ay manakabalin et osto nan ikkam ay mangpadas isnan ipogaw tay getkem nan wada isnan nemnemda ya nan laylaydenda. Ipailam nan ikkam ay men-ibaes isnan mang-ap-apos ken sak-en tay sik-a nan mentalkak isnan am-in ay ik-ikkak.”

Jeremias 20:12 Iomraidhean Croise

Salmo 11:5

Banagena nan makedse ya nan gawis ay ipogaw ay maid paam-amdena ngem dadama ay kaliligetna nan ipogaw ay mangkaykayat is ngawi.

Salmo 139:23

Apo Dios adalem sak-en ta getkem nan wada isnan nemnemko. Padasem sak-en ta magtekam nan nemnemnemek

Salmo 17:3

Gegetkem met nan wada isnan nemnemko tay olay no mangpadaska isnan labi ya olay no somalyaem sak-en et maid madas-am is ngawi ken sak-en. Adiyak menkalkali is ngawi

Salmo 54:7

Tay nang-isalakanka isnan am-in ay ligatko ya inilak nan naabakan nan mangbosboso ken sak-en.

Salmo 58:10

Dat gomasing nan nalinteg ay ipogaw isnan mangilaanda ay maibaesda isnan mateyan di managbasol dadat gatigatinan nan basada.

Salmo 59:10

Laylayden nan Diosko sak-en et omali siya ken sak-en. Awnitna ipalobos ay menlagsakak isnan naabakan di bosok.

Salmo 62:8

Dakayo ay ipogawko, si Apo Dios nan kanayon ay talkenyo koma. Ibagayo ken siya nan madadagsenanyo tay siya nan kamang tako.

Salmo 7:9

Sik-a ay nalinteg ay Dios ay mangtek isnan nemnem di ipogaw, pasaldengem kad nan kinangawin di managbasol dakapay pagawisen nan nalinteg ta maid iyeegyatda.

Salmo 86:4

Pagasingem koma sak-en ay baam tay sik-a nan menlol-owalowak.

Jeremias 17:10

Ngem kedkedengak ay apo isnan mangtek isnan am-in ay nemnemnemen di ipogaw isonga sak-en nan mangsobalit isnan tonggal esa ken daida isnan kaneg nan inik-ikkanda.”

1 Pedro 2:23

Olay ngawi nan kinkinwanida ken siya et maid ngawi is insongsongbatna. Ya isnan nangpalpaligatanda ken siya et egayna kankanan en awnitna baesan. Nodi intoloyna ay mangtalek ken Apo Dios ay ostoosto nan ikkana ay mangbanag.

1 Pedro 4:19

Isonga no mapaligatan tako gapo tay siya nan inpalobos Apo Dios ken datako et adi tako menseseg-ang. Nodi itoltoloy tako kayet ay mang-ikkan isnan gawis ya italek tako nan biyag tako ken Apo Dios ay nangboliw ken datako tay matalek siya ay pilmi.

Naipagtek 18:20

Ngem dakayo ay wada id daya et men-galalasing kayo gapo isnan nadosaana. Ya dakayo abes ay ipogaw Apo Dios ya nan aapostolisna ya nan mamadtona et men-gasing kayo tay binanag Apo Dios san deey ay ili ay nangibaes isnan ngawi ay inik-ikkana ken dakayo.

Naipagtek 2:23

Awnitak pateyen san deeyda ay nangsolsolot ken siya. Et siya dadi nan mangipaila isnan mamati ken sak-en isnan am-in ay ili ay gegetkek nan am-in ay wada isnan nemnem di ipogaw ya nan laylaydenda. Owen, nan awnitak isobalit isnan tonggal esa ken dakayo et nan kaneg nan inik-ikkanda.

Naipagtek 6:10

Inbobogawda ay mangwani en, “Manakabalin ay Dios, tet-ewa nan am-in ay kanam ya osto nan ik-ikkam. Isonga tongona pay di mangbanagam isnan ipogaw isnan batawa ta baesam nan nangpatey ken dakami?”