Jeremias 20:10 - Kalin Apo Dios

¹⁰ Dedengngek nan am-in ay mang-iyag-agasaas en, ‘Si todi nan iyeg-egyatda isnan am-in ay ili. Idalom tako siya.’ Olay nan gayyegayyemko et sesed-enda nan maabakak dadapay kanan en waay nganngani ay maallilawak ta ikkak nan baken osto tapno mangdepapda ta men-ibaesda.

Jeremias 20:10 Iomraidhean Croise

Salmo 31:13

Dedengngek nan mangtaytayoktokan di mang-ap-apos ken sak-en et wada nan egyatko isnan am-in. Mentotolagda is ikkanda ken sak-en dadapay nemnemen ay mangpatey ken sak-en.

Salmo 31:14

Ngem sak-en pay et sik-a, apo, nan taltalkek dakpay kanan en, “Sik-a nan Diosko.”

Salmo 41:10

Ngem, apo, maseg-angka ta pagawisem sak-en tapno makaibaesak ken daida.

Salmo 41:9

Olay nan tinalekko ay gayyegayyemko ay nakikkikan ken sak-en et dinokogana gedan sak-en.

Salmo 57:4

Naliliwesak isnan makekedse ay kan-egda layon ay men-isda is ipogaw. Kan-eg balbeg ya pana nan bab-ada ya kaneg mentalaladem ay gamig nan kalida.

Lucas 20:20

Enggana isdi et ninses-eedda is gawis ay timpo ay mangdepapanda ken siya. Linagbowanda nan tap-in di lalalaki dadat ibaa daida ta omeyda aginsisingpet ay mang-allilaw ken Jesus tapno waday ikkanda ay mangdepap ken siya ta eyeyda isnan gobilnadol.

Aapostolis 24:13

Maid polos mabalin is ikkanda ay mangpaneknek isnan naay ay ipabasbasolda ken sak-en.

Aapostolis 5:33

Isnan nangdengngan nan deeyda ay menlelebbeng isdi et nakaligetda isonga kayatda ay pateyen daida.

Aapostolis 7:54

Idi dinngen nan deeyda ay menlelebbeng nan kinwanin Esteban et nakaligetda ay pilmi dadapay men-gegege.