Jeremias 17:9 - Kalin Apo Dios

⁹ Maid polos makaawat isnan nemnem di ipogaw tay nalaka ay maal-allilaw ya pilmi nan kangawina.

Jeremias 17:9 Iomraidhean Croise

Genesis 6:5

Idi inilan nan apo ay nginmawi am-in nan ik-ikkan nan ipogaw isnan batawa ya ngawi et kedeng nan nenemnemenda

Genesis 8:21

Nan songsong nan mapoowan ay maigasing ken Apo Dios et laylaydena danat kanan isnan nemnemna, “Adiyak kasin eng-engewen nan batawa gapo isnan ik-ikkan nan ipogaw tay getkek ay ngawi ay sigod nan nemnemda. Adiyak gedan eng-engewen nan am-in ay matmatago ay kaneg nan inikkak.

Salmo 51:5

Sibabasolak enggana isdin naiyanakak. Owen, engganay binmalaak ken inak et nakabasolak et.

Salmo 64:7

Ngem golpi ay panaan Apo Dios daida et dagos ay maabakda.

Mateo 13:15

Owen, tay adida layden ay mangnemnem isnan tet-ewa isonga totowengenda dadapay bobolagen. Tay no adida ikkan dadi modiyet makailada ya makadengeda adi pay maawatanda nan tet-ewa dadat menbabawi et pakawanek nan basolda.’”

Mateo 15:19

Tay nan nemnem di ipogaw nan magapgapowan nan am-in ay dakes ay ik-ikkana ay kaneg nan pomatey, lomalaki ya mamabai, mangakew ya nan menkamkampot ya menpabpabasol isnan ib-ana.

Marcos 2:17

Dinngen Jesus nan kankananda danat songbatan isnan pangngalig et kanana en, “Nan ipogaw ay maid sakitda et adida masapol nan doktol ngem nan ipogaw ay mensakit et daida nan makasapol isnan doktol. Isonga inmaliyak isnan batawa tapno badangak nan mangtek ay nakabasolda ngem baken nan mangnenemnem en gawisda.”

Roma 1:21

Getkenda ay wada si Apo Dios ngem adida kayet patgen dapay siya nan osto ay mapateg ya adida mensalamat ken siya. Nodi nan nemnemda et ninbalin is maid polos paayna isonga am-amed menbolinget nan nemnemda.

Roma 7:11

Ngem nangsogsog nan basol isnan nangtekak isnan linteg ay mangipapati ay mang-ikkan isnan adyan nan linteg. Isonga tet-ewa ay binmasbasolak et siya nan kega nangpatey ken sak-en tay gapo isnan basol et madosa nan ipogaw ay eng-enggana.

Efeso 4:22

Isonga kaanenyo nan sigod ay nemnemyo ya ogaliyo tay nan ngawi ay layden nan awak tako et siya nan mang-allilaw ken datako ay mang-ik-ikkan isnan ngawi ya siya nan mang-engew ay mangipangawi ken datako.

Hebreo 3:12

Isonga bebsatko ay mamati, kanak en makailanyo ta maid olay esa ken dakayo is mangsolsolot isnan ngawi ay nemnem ay adi mangpati ken Apo Dios ta adiyo dokogan nan tet-ewa ay Dios.