Jeremias 17:10 - Kalin Apo Dios

¹⁰ Ngem kedkedengak ay apo isnan mangtek isnan am-in ay nemnemnemen di ipogaw isonga sak-en nan mangsobalit isnan tonggal esa ken daida isnan kaneg nan inik-ikkanda.”

Jeremias 17:10 Iomraidhean Croise

Salmo 44:21

et nagtekam met laeng tay gegetkem nan wada isnan nemnemmi.

Salmo 44:22

Ngem gapo ken sik-a apo, et mapatpatey kami. Inbilangda dakami ay kaneg kakalnilo is maisagana ay mapalti.

Salmo 62:12

ya maid gedan patenggan nan layadna. Owen, sik-a, apo, nan mismo ay mangidya isnan ganaben di tonggal esay ipogaw sigon isnan inik-ikkana.

Salmo 7:10

Si Apo Dios nan kalasagko ay mangisalsalakan isnan nalinteg ay ipogaw.

Salmo 7:9

Sik-a ay nalinteg ay Dios ay mangtek isnan nemnem di ipogaw, pasaldengem kad nan kinangawin di managbasol dakapay pagawisen nan nalinteg ta maid iyeegyatda.

Isaias 59:18

Awnitna dosaen nan mang-ap-apos ken siya sigon isnan inik-ikkanda ay olay nan wada isnan ad-addawi

Jeremias 20:12

Ngem sik-a apo ay manakabalin et osto nan ikkam ay mangpadas isnan ipogaw tay getkem nan wada isnan nemnemda ya nan laylaydenda. Ipailam nan ikkam ay men-ibaes isnan mang-ap-apos ken sak-en tay sik-a nan mentalkak isnan am-in ay ik-ikkak.”

Jeremias 23:2

Isonga sak-en ay apo ay Dios di Israelita et siya na nan kanak maipanggep issan mang-ayowan koma isnan ipogawko. Kanak en gapo tay egayyo inayowanan nan ipogawko ya egayyo inolnos daida dayopay inabog daida isonga dosaek dakayo id wani isnan ngawi ay inikkanyo.

Mateo 16:27

Awnitak omali ay Iyon-an Am-in di Ipogaw. Isnan omaliyak et somilangak ay mangipaila isnan kangaton Ama et mamakkey nan aanghelko. Et awnitak sobalitan nan kaipoipogaw ay menbasal isnan inik-ikkanda.

Mateo 6:4

tapno maid polos makagtek. Et si Apo Dios ay mangtek isnan am-in ay ik-ikkanyo et siya nan mang-ited isnan ganabenyo.”

Juan 2:25

et adi masapol di waday mang-itdo ken siya maipanggep isnan ipogaw tay gegetkena nan nemnemda am-in.

Aapostolis 1:24

Dadat menlowalo ay mangwani en, “Apo, gapo tay sik-a nan mangtek isnan nemnem am-in nan ipogaw et ipagtekmo ken dakami nan piliyem ken datona ay dowa

Roma 6:21

Ngem sino ngen nan ginanabyo isnan naikkan ay mabab-ainanyo id wani dapay nan banag nan keg todi ay maikkan et tetey?

Roma 8:27

Ngem si Apo Dios ay mangtek isnan am-in ay wada isnan nemnem tako et getkena abes nan nemnem nan Ispiritona tay ilol-owalowana nan ipogaw Apo Dios ay maipaliso isnan kayat Apo Dios ay ommat isnan ipogawna.

Naipagtek 2:23

Awnitak pateyen san deeyda ay nangsolsolot ken siya. Et siya dadi nan mangipaila isnan mamati ken sak-en isnan am-in ay ili ay gegetkek nan am-in ay wada isnan nemnem di ipogaw ya nan laylaydenda. Owen, nan awnitak isobalit isnan tonggal esa ken dakayo et nan kaneg nan inik-ikkanda.

Naipagtek 20:12

Daket ilaen nan natnatey ay tomatakdeg isnan sagang nan mentolay. Nan nangato ya nan nababa et wadada. Owen, nan am-in ay wada id Hades ay kad-an di natey ya olay nan natnatey isnan baybay et nadagopda ta wasdin esa ken daida et mabanag gapo isnan inik-ikkana isnan natatagowana. Dat wada nan mangbilag isnan deeyday liblo ay naisolsolatan nan am-in ay inik-ikkan di ipogaw. Dat mabilag abes nan esa pay ay liblo ay kailislistaan di ngadan di ipogaw ay matagotago ken Apo Dios ay eng-enggana. Dat banagen Apo Dios nan kaipoipogaw gapo isnan naisolat ay inik-ikkanda isnan natatagowanda.

Naipagtek 22:12

Kinwanin Jesus, “Dengngenyo. Adi mabayag et somagongak ken dakayo ya ikawitko nan iligalok isnan ipogaw et nan inik-ikkan nan wasdin esa ken daida et siya nan kaneg nan ganabena.

1 Samuel 16:7

Ngem dat kanan nan apo ken siya en, “Baken nan kaan-ando wenno kinagowapo is mangil-ilaam tay adyak siya tay sak-en ay apo et baken kaneg nan ikkan di ipogaw nan ikkak ay men-ila. Nan ipogaw et kedeng nan maiila is il-ilaenda ngem sak-en et nan nemnem di ipogaw nan il-ilaek.”