Jeremias 14:9 - Kalin Apo Dios

⁹ Ay nasngangka ay kaneg nan nasngang ay ap-apon di omili ay maid kabaelana ay bomadang? Ngem olay no keg todi apo et wawawawadaka kayet ken dakami ay ipogawmo isonga adim koma baybay-an dakami.”

Jeremias 14:9 Iomraidhean Croise

Salmo 10:1

Ayta aya, apo, dakan od omaaddawi? Dakan mentabon isnan maliligatanmi?

Salmo 27:9

Adim koma itabonan sak-en. Adika makaliget ken sak-en. Adim pakaanen sak-en ay baam. Sik-a din kabadangko et adika koma tomaytayan ya adim baybay-an sak-en, tay sik-a nan Dios ay mangisalsalakan.

Salmo 46:5

Adi polos magog-owad nan ilin Apo Dios tay olay isnan tan-o et wada siya ay mangsalsalaknib.

Isaias 43:7

Daida nan osto ay ipogawko et binoliwko daida ta ipailada nan kinadayawko.’

Isaias 51:9

Magidoka apo ta badangam kad dakami. Osalem nan panakabalinmo ta isalakanmo dakami ay kaneg san inik-ikkam id kasikasin, tay inabakmo nan iyEgipto

Isaias 59:1

Adiyo kanan en nan apo et nakapsot ay mang-isalakan ken dakayo wenno natotoweng ay mangdenge isnan ayag ken siya.

Jeremias 15:16

Inpagtekmo ken sak-en nan kaytem ay masolo et inidngek am-in ay kinwanim. Nan kinkinwanim nan nangpagawis isnan nemnemko ya nangpalagsak ken sak-en tay sik-a apo ay manakabalin nan akinbaa ken sak-en.

Habakuk 1:2

Dat menlili si Habakuk et kanana en, “apo, aye pay di bayag di nindawatak is badangmo esampay dengngen sak-en ta isalakanmo dakami isnan naay golo.

Zacarias 8:3

“Awnitak somagong id Jerusalem ay napateg ay ilik et isdi nan menteak dat makwani en Ili ay Nalinteg ya nan bilig isdi et makwani en Bilig Apo Dios.

Aapostolis 15:17

tasiyay mang-anap nan kaipoipogaw olay nan baken Judio ay inawisko ay menbalin is ipogawko.

2 Corinto 6:16

Ayke maibagay no maitapi nan sinang didios isnan mentetean Apo Dios? Adi adi. Isonga siyang na ken datako. Adi kabalin ay matapiyan tako is ngawi tay datako ay mamati nan mentetean nan naleleng-agan ay Dios. Kaneg nan kinwanin Apo Dios en, “Awnitak mentee ken daida. Sak-en nan Diosda ya daida nan ipogawko.”

Hebreo 13:5

Adiyo gamgamgaman ay bomaknang nodi mapnek kayo isnan wada ken dakayo tay kinwanin Apo Dios en, “Adiyak polos taytaynan dakayo wenno mamaiden nan badangko ken dakayo.”

Naipagtek 21:3

Daket dengngen nan napigsa ay kali ay nagapo isnan tokdowan di mentolay ay mangwani en, “Id wani et makitetee si Apo Dios isnan ipogaw. Iib-aana daida et daida nan ipogawna. Owen, siya ay mismo nan makitetee ken daida et siya nan Diosda.

1 Samuel 12:22

Gapo tay adyan nan apo ay maibaba nan ngadana et adina baybay-an dakayo nodi kagagasingna ay menbalinen dakayo is ipogawna.