Jeremias 14:8 - Kalin Apo Dios

⁸ tay sik-a et kedeng nan namnaman nan Israelita ya sik-a nan mangisalakan ken dakami isnan maligligatanmi. Ngem ayta od dakan kaneg sangaili isnan dagami? Kanegka nan menbibiyahi ay omapa is esay labi et kedeng.

Jeremias 14:8 Iomraidhean Croise

Salmo 10:1

Ayta aya, apo, dakan od omaaddawi? Dakan mentabon isnan maliligatanmi?

Salmo 138:7

Olay no dadama nan ligatko et egaymo inpalobos ay waday ommat ken sak-en. Ya dosaem nan mang-ap-apos ay dadama nan ligetda ken sak-en ya mangisalakanka isnan panakabalinmo.

Salmo 46:1

Si Apo Dios nan kamang ya pamigsa tako. Kanayon ay nakasagana ay bomadang isnan maligatan.

Salmo 46:2

Isonga adi tako omeg-egyat olay no menyegyeg ya no magday isnan baybay nan bilbilig

Salmo 50:15

Dat no waday ligat et sak-en nan mendawatanyo et awnitak isalakan dakayo dakayot mangdaydayaw.”

Salmo 71:5

Apo Dios ay kangatowan, maid teken is namnamak nodi sik-a et kedeng tay sik-a nan nintaltalkak enggana isdin kaongak.

Salmo 9:9

Nan maaamis et nan apo nan kamangda ya isnan timpon di ligat et siya nan salidada.

Salmo 91:15

Nan mendawat ken sak-en et idngek. Wadaak ken siya isnan madadanagana dakpay isalakan ya patgen siya.

Isaias 43:11

Sak-en et kedeng nan apo et kedkedengak is makaisalakan ken dakayo.

Isaias 43:3

Tay sak-en nan apo ay Diosyo. Sak-en nan nadiosan ay Dios di Israel ay nang-isalakan ken dakayo. Bay-ak nan ili ay Egipto ta mawayaan kayo ya bay-ak nan il-ili ay Etiopia ya nan Seba.

Isaias 45:21

Omali kayo ta ipagtekyo nan kasoyo isnan pag-okoman dayot ipalobos ay mensinoot nan naidalom. Sino nan nang-ipagtek id kasin isnan awnit ommat? Ay bakenak? Tay sak-en nan apo ay Dios nan mang-isalsalakan isnan ipogawna et maid teken is dios.

Zacarias 9:12

Somagong kayo, dakayo ay naipakaan tay id wani wada et nan namnamayo. Somagong kayo isnan iliyo tay maid et iyeg-egyatyo isdi. Id wani et ibagak ken dakayo en awnit doblin nan inkaloyo nan idyak ay gawis ken dakayo.”

Aapostolis 28:20

Et siya di nan poon nan nangipaayagak ken dakayo ta mensinagang tako ta ibagak ken dakayo nan poon nan naibalodak. Maid teken nodi gapo isnan pammatik isnan sedsed-en nan am-in ay Judio ay si Kristo ay awnit mentoltolay ken datako.” Siya di nan kinwanin Pablo isnan aamam-an di Judio.

1 Timoteo 1:1

Sak-en si Pablo ay esay pinilin Jesu Kristo ay makwani en apostolis ay inbilin Apo Dios ay mangisalakan ken datako yas Jesu Kristo ay kad-an nan namnama tako.