Jeremias 14:7 - Kalin Apo Dios

⁷ Dat men-adawag si Jeremias ay mangwani en, “Olay no paneknekan nan basbasolmi nan kinangawimi isnan namin-ado ay nangdokoganmi ken sik-a et badangam koma dakami apo tapno adi maibaba nan ngadanmo

Jeremias 14:7 Iomraidhean Croise

Salmo 115:1

apo, baken dakami nodi sik-a et kedeng nan maidayaw gapo isnan adi menbalbaliw ay layad ya kinamatalekmo.

Salmo 25:11

apo, gapo isnan kinagawismo et pakawanem kad nan basbasolko tay adoado.

Salmo 79:9

Apo Dios ay mang-isalsalakan, badangam kad dakami tapno maidayaw nan ngadanmo. Isalakanmo dakami dakapay pakawanen nan basbasolmi tapno mapateg nan ngadanmo.

Isaias 59:12

apo, adi mabilang nan basolmi ken sik-a. Banagen nan basbasolmi dakami tay gegetkenmi am-in nan basolmi.

Jeremias 3:25

Menlokbob kami ay mababain ya menpakombaba kami tay dakami ya din alal-apomi et ninbasbasol kami ken sik-a apo ay Diosmi. Egaymi polos pinatpati nan bilinmo.”

Efeso 1:6

Isonga daydayawen tako si Apo Dios gapo isnan gawigawis ay egayna inyim-imot ay badangna ken datako tay inbaana ken datako nan laylaydena ay Anakna ay si Jesu Kristo.

Deuteronomio 32:27

Ngem egayko inikkan tapno adi men-etek nan mangbosboso ken daida ay mangwani en daida nan nang-abak isnan Israelita ay baken kano sak-en is nangdosa ken daida.’