Jeremias 1:8 - Kalin Apo Dios

⁸ Adika omegyat ken daida tay wawawawadaak ay mangbadang ken sik-a. Sak-en ay apo nan ninkali.”

Jeremias 1:8 Iomraidhean Croise

Exodo 3:12

Dat kanan Apo Dios ken siya en, “Wawawawadaak ken sik-a. Nan mangpaneknek ken daida ay sak-en nan nangibaa ken sik-a et nan mangipangowam isnan ipogawko ay komaan id Egipto ay omali isna ta daydayawenyo sak-en isnan naay bilig.”

Isaias 43:2

No gomdang kayo isnan adaadaem ay danom et wadaak ken dakayo ta adi kayo maanod. No pilmi ay maliligatan kayo ay kaneg kayo mendad-aan isnan apoy et adi kayo mapoowan tay adi kayo masakitan isnan pamadpadas ken dakayo.

Jeremias 20:11

Ngem sik-a apo ay manakabalin nan wada ken sak-en isonga nan mang-aamis et adida makaabak ken sak-en ya adi makalkalkalingkingan nan maibabainanda.

Mateo 10:26

Ngem adi kayo omeg-egyat ken daida. Tay nan am-in ay ikkan nan ipogaw ay adi kagtek et awnit magtek met laeng.

Mateo 28:20

Isolowanyo ay gawis daida tapno tongpalenda am-in nan inbagak ken dakayo. Ya adiyo kalkalingkingan ay wadaak ken dakayo ay eng-enggana.”

Aapostolis 26:17

Et sak-en nan mangibalbaliw ken sik-a no waday mangpadas ay mangpatey ken sik-a isnan mangibaaak ken sik-a ay omey isnan Judio ya nan baken.

Aapostolis 4:13

Idi nakakali si Pedro dat kanan nan menlelebbeng, “Dan datona ay dowa nan natoled ay mangsongbat ken datako ay ap-apoda? Egayda nakaadal dadapay getken ay mangsongbat ken datako.” Masdaawda dadat nemnemen en daida nan nakiboweg ken Jesus.

Aapostolis 4:29

Id wani, Apo, ilam pod nan ik-ikkanda ay mangipaegyat ken dakami ay inbaam. Et anayam nan toledmi ay mamati ken sik-a ta ibagbagami kayet nan kankanam.

Efeso 6:20

Siya di nan nangibaaan Apo Dios ken sak-en et siya nan gapo ay maibabalodak id wani. Isonga ilol-owalowanyo sak-en ta tomoledak koma ay mangibaga isnan kayatna.