Jeremias 1:1 - Kalin Apo Dios

¹ Nan naisolat isna et nan inbagbagan Jeremias ay anak Hilkias ay easy padi id Anatot isnan sakop din si Benjamin.

Jeremias 1:1 Iomraidhean Croise

2 Cronicas 36:12

Ninbasol isnan apo ay Diosna ya egayna inid-idnge si Jeremias ay mamadton nan apo danapay inkekedse ay adi menbabawi ta kasina patiyen nan apo ay Dios di Israelita. Egayna pay patiyen si ali Nebucadnesar ay alin di iBabilonia ay nang-ipasapata ken siya isnan ngadan nan apo ta tongpalena nan bilina ay ali.

2 Cronicas 36:21

Et isnan naay inommat et natongpal din inpagtek nan apo isnan mamadtona ay si Jeremias isdin nangibagaana en awnit adi kasama nan daga is pitompoo ay tew-en tay egay pinatin di ipogaw nan bilin nan apo maipanggep nan maikapito ay tew-en ay illeng.

Isaias 1:1

Isnan naay ay liblo et ibagana nan inpagpagtek Apo Dios ken Isaias ay anak Amoz maipanggep nan om-ommat id Juda ya id Jerusalem. Naipagtek dana isdin timpo ay nintolayan din da Uzzias, Jotam, Ahaz ya si Hezekias ay aalin di Juda.

Isaias 2:1

Siya na nan damag ay inpagtek Apo Dios ken Isaias ay anak Amoz maipanggep isnan probinsya ay Juda ya nan siudad ay Jerusalem.

Ezekiel 1:3

Sak-en si Ezekiel ay padi ay anak Buzi. Isnan kawad-anmi id Babilonia isnan bas-ang di ginawang ay Kebar et dinngek nan kalin nan apo daket liknaen nan panakabalina.

Mateo 16:14

Dat kanan nan papasolotna en, “Wada nan mangwani en sik-a din si Juan ay Menbonbonyag. Nan tap-in di ipogaw et kananda en sik-a din si Elias dapay kanan kayet nan tap-ina en sik-a din si Jeremias wenno din ib-an di mamadton Apo Dios.”

Mateo 2:17

Isonga natongpal tet-ewa din insolat din mamadto ay kangadan is Jeremias ay mangwani en,

Mateo 27:9

Siya na nan natongpalan din insolat din si Jeremias ay mamadton Apo Dios id sang-adom ay mangwani en, “Inalada nan tolompoo ay siping ay osto ay bayadna isnan panangkalkolon di Judio