Genesis 9:5 - Kalin Apo Dios

^5-6 Am-amed nan biyag di ipogaw is masapol ay paayenyo tay nasapoda ay kanegko isonga no waday menpatey is ipogaw et masapol ay mapatey abes. Nan animal ay menpatey is ipogaw et masapol ay mapatey ya nan ipogaw ay menpatey is ib-ana ay ipogaw et masapol ay mapatey gedan.

Genesis 9:5 Iomraidhean Croise

Salmo 9:12

tay adi kalkalingkingan Apo Dios nan maligligatan danapay dengngen nan men-adawaganda ta dosaena nan mang-aamis ken daida.

Exodo 20:13

Adi kayo menpatpatey.

Levitico 19:16

Adi kayo menkalkali is baken tet-ewa isnan ib-ayo. No waday mabanag dat tetey nan dosana et komali koma nan testigo ta baleng pay makabadang nan ibagana. Sak-en nan apo.

Mateo 23:35

Isonga dakayo nan awnit mangikalo isnan dosan nan nangpatpatey isnan am-in ay ipogaw ay maid basolda menlogi isdin napateyan Abel ay esay lalaki ay gawis nan ogalina enggana isdin napateyan din anak Barakias ay si Zacarias isnan pantew ay ninbaetan nan Templo ya nan altar.

Aapostolis 17:26

Es-esang nan ipogaw ay binoliw Apo Dios isdin damo et siya nan poon nan kaipoipogaw isnan am-in ay kailiili isnan batawa. Enggana id kasikasin et pinilin Apo Dios nan timpon nan menlebbengan nan nateketeken ay ipogaw ya nan il-ili ay awnitda mentean.