Genesis 8:20 - Kalin Apo Dios

²⁰ Idi binmalada dat men-ala si Noe is bato et itopingna is mangpop-oowana isnan igasingda ken Apo Dios dat omala is tonggal esa isnan am-in ay animal ya koyat ay mabalin ay maisda ya maigasing ken Apo Dios danat paltiyen et poowana enggana ay dinmapo.

Genesis 8:20 Iomraidhean Croise

Genesis 13:18

Isonga dat men-aton da Abram et menteeda isnan sag-en nan kak-aiw id Mamre id Hebron dat mensapo isdi is mangpop-oowana is igasgasingna isnan apo.

Genesis 13:4

ay nangsapowana isnan mangpop-oowana is igasgasingna isnan apo et daydayawen Abram nan apo isdi.

Genesis 22:2

Dat kanan Apo Dios, “Ayagam nan kedkedeng ay anakmo ay si Isaac ay laylaydem ta omey kayo id Moria et awnit itdok isdi nan bilig ay omayanyo dakat pateyen siya ta poowam ay mang-idaton ken sak-en.”

Genesis 22:9

Idi inomdanda issan bilig ay inbagan Apo Dios en omayanda dat mensapo si Abraham is mangpoowana isnan paltiyena. Danat ogden si Isaac et iyosona isnan kaiw.

Genesis 4:4

dapay abes piliyen Abel nan damo ay anak di esay kalnilona et paltiyena danat igasing isnan apo nan kagawisan ay begas ya tabana. Men-gasing nan apo isnan inikkan Abel

Genesis 7:2

Omisgepka is sin-as-awa isnan am-in ay matmatago ay inbagak en adi kaisda ngem sinpipto ay sin-as-awa isnan am-in ay mabalin ay maisda ya nan igasingyo ken sak-en

Genesis 7:3

ya nan am-in ay klasin di koyat. Ikkam na tasiyay am-in ay matmatago et adida katey nodi omad-adoda kasin isnan batawa.

Genesis 8:19

Am-in san wada isdi ay mendad-aan, menkodkodong ya mentaytayaw et nabob-owegda ay nasin-as-awa ay binmala gedan.

Exodo 10:25

Dat kanan Moses en, “Adi pay sik-a ngalod nan mang-iyali isnan talaken ay poowanmi ay igasingmi isnan apo ay Diosmi?

Roma 12:1

Bebsatko, gapo isnan am-in ay gawis ay inik-ikkan Apo Dios ay pala ken datako ya gapo isnan seg-angna ken datako, kanak en pangaasiyo ta itedyo ken Apo Dios nan awakyo ay mang-ik-ikkan isnan kayatna tay siya nan gomasingana ken datako. Ikkan tako tay siya di nan osto ay maikkan no tet-ewa ay patgen tako si Apo Dios.

Hebreo 13:10

Tay nan nang-itedan Jesus isnan awakna ay matey et siya nan mabadangan tako. Ngem no adyan nan ipogaw ay mangtaynan isnan damo ay linteg ay linteg Moses et maid ngalod lebbengda ay maitapi isnan mangbadbadang ken datako tay adyanda ay mangpati isnan tet-ewa.

1 Pedro 2:5

Et dakayo abes, no somag-en kayo ken Kristo et komaneg kayo ken siya ta kanegyo abes nan temtem ay bato ay mensilbi isnan baeyna. Tay am-in ay mamati et daida nan kinabaeyna. Isonga kanegyo nan papadi ay kedeng si Apo Dios is men-ob-oblaanda ay mang-it-ited isnan isagotyo ken siya et siya na nan gawis ay ik-ikkanyo. Et nan ik-ikkan Jesu Kristo ay pala ken dakayo nan gapo ay mabalin ay men-gasing si Apo Dios ay mangdawat isnan it-itedyo.

1 Pedro 2:9

Ngem bakenyo kaneg nan mang-adi ay mangpati ken Kristo tay napili kayo ay ipogawna. Masilbi kayo ay ipogaw ay os-osalen nan Ali ay si Kristo ay kaneg nan papadi ay mensilsilbi ken Apo Dios. Insiyan Apo Dios dakayo isnan adi mamati tay inalana dakayo ay ipogawna. Pinilin Apo Dios dakayo ay ipogawna ta ibagayo isnan tapin di ipogaw nan gawigawis ay ik-ikkana. Siya nan nang-ayag ken dakayo ta taynanyo nan ngawi tapno makitee kayo ken siya isnan am-in ay kagawisna. Kanegna kinaan datako isnan menbolinget et iyeyna datako isnan menpalalat-a.