Genesis 6:17 - Kalin Apo Dios

¹⁷ Masapol ay mensapoka is bapol tay awnitak posongen nan batawa ta malimon am-in ay matatago. Matey am-in ay wada isnan batawa

Genesis 6:17 Iomraidhean Croise

Genesis 2:7

Dat alaen nan apo nan lota et sapowena is ipogaw danat isip-oy nan leng-ag di biyag isnan eeng nan sinapona dat matago san lalaki.

Genesis 6:13

Isonga kinwanin Apo Dios ken siya, “Ninemnemko ay engewek am-in ay ipogaw isnan batawa. Owen, engewek am-in ay wada tay napno nan batawa isnan ngawi ay ik-ikkanda.

Genesis 6:16

Mensapoka is atepna ngem taynam nan doway dangan is menbaetan nan atepna ya nan awakna. Sapowem is tolo ay galado dakat kok-owaltowen dakat isapowan is segpana.

Genesis 6:7

isonga danat kanan, “Awnitak engewen am-in nan ipogaw ay binoliwko, nan animalis ya nan koykoyat gedan tay menbabawiyak ay nangboliw ken daida.”

Genesis 7:15

Nasin-as-awada am-in ay matmatago ay nakisgep ken Noe isnan bapol

Genesis 7:17

Dat men-od-od-odan is epatpoo ay agew. Dat omad-adaem nan danom et mendaan san bapol. Inmadaadaem et linas-okana nan kaaatakdagan ay bilbilig

Genesis 7:4

Adi pay isnan pito ay agew daket palayogen nan odan et men-od-od-odan is epatpoo ay agew ya labi tasiyay malimon am-in ay matmatago ay binoliwko.”

Genesis 9:9

“Id wani wada nan isapatak ken dakayo ya nan ap-oyo is kasin

Salmo 107:34

Pabalinena ay mensidek nan maloweb ay lota gapo isnan kinangawin nan mentetee isdi.

Salmo 29:10

Nan apo nan nintotolay isdin nan-engan di batawa et mentoltoloy nan mentolayana ay eng-enggana.

Exodo 14:17

ya pakedseek kayet nan nemnem nan naayda ay iyEgipto ta kedagenda kayet dakayo et awnit maidaydayawak isnan mang-abakak isnan ali, nan sosoldadona, nan loganda ya nan mangitoltolong isnan loganda.

Ezekiel 34:11

Sak-en ay kangatowan ay Dios et kanak pay en sak-en mismo nan mang-anap isnan kalnilok daket ayowanan daida

Mateo 24:39

Egayda ninemnemnem nan ommat ken daida engganay linmayos nan batawa et nalimonda am-in. Et awnit kaneg todi gedan nan ommat no somagongak.

Lucas 17:27

Tay esapay mapsong nan batawa ay manglimon ken daida am-in et kaneg maid egyatda nodi ginan-ganasda nan biyagda ay aped mangmangan dadapay omin-inom ya men-as-as-awa enggana issan agew ay sinonggepan da Noah issan bapor.

Roma 5:21

Isonga id kasin inabak nan basol nan ipogaw et tetey nan banagna. Ngem id wani kaneg na nan nangabakan nan gawis ay badang Apo Dios isnan basol. Tay gapo isnan inikkan Apo Jesu Kristo et gawis nan pangiilaan Apo Dios isnan ipogaw. Et nan banagna et matagotago tako ay enggana ken siya.

Roma 6:23

Tay nan bayad nan basol et tetey ngem nan sagot Apo Dios isnan kaipoipogaw et biyag ay maid patenggana gapo isnan maitatapiyan tako ken Jesu Kristo ay Apo tako.

Deuteronomio 32:39

Kedkedengak is apo tay maid teken is tet-eway Dios. Menpateyak ya mentagowak. Mensogatak ya men-agasak. Et maid makaiyadi isnan ik-ikkak.

Hebreo 11:7

Kaneg abes din si Noah tay nan pammatina gedan nan gapo ay pinatina nan inbagan Apo Dios ken siya. Tay inbagan Apo Dios nan kaeegyat ay awnit ommat dat patiyen Noah ay olay maid inil-ilana is kaneg todi. Isonga ninsapo is bapor ay kaneg nan inbagan Apo Dios et siya nan naisalakanan Noah ya nan pamilyana isdin napsongan nan batawa. Gapo isnan pammatina et gawis nan pangiilaan Apo Dios ken siya dapay nan tapin di ipogaw ay egay namati et nadosada ay natey.

1 Pedro 3:20

Nan deeyda ay natey ay inmayana et daida nan nang-adi ay mangpati isnan kankanan Apo Dios id kasin isdin timpon Noah dapay inan-anosan Apo Dios isnan nabayag ay mangses-eed isnan mamatiyanda. Isdin timpo ay deey sinapon Noah nan dakkel ay bapor. Et siya nan naisalakanan nan waw-ao ay ipogaw isnan napsongan nan batawa.

2 Pedro 2:5

Nan inikkan Apo Dios isdin timpon Noah et siya nan esay mangipagtek isnan ikkana ay men-ibanag. Tay inpaodana is pilmi engganay nalimon nan am-in isonga natey am-in nan ipogaw tay maid polos nemnemenda is maipanggep ken Apo Dios. Kedkedeng si Noah is nangkayat isnan gawis ya nangibagbaga isnan osto isonga insalakan Apo Dios siya ya nan pito pay.