Genesis 45:8 - Kalin Apo Dios

⁸ Isonga baken kayo met-a is tet-ewa ay nangipaali ken sak-en id isna nodi si Apo Dios. Siya nan nang-ikkan isna ta menbalinak ay kangatowan ay opisyal di ali ya apon nan am-in ay wada ken siya ya mentolayak isnan am-in ay sakop nan Egipto.

Genesis 45:8 Iomraidhean Croise

Genesis 45:26

Dadat kanan ken amada, “Daan obpay ay natatago si Jose. Siya nan mentolay isnan am-in ay sakop di Egipto.” Nasngang si Jacob tay kaneg baken kapapati san kinwanida.

Genesis 45:5

Ngem adi kayo omegyat ya pabasolen nan awakyo isnan nangilakowanyo ken sak-en ay omali id isna tay si Apo Dios nan ostoy nangibaa ken sak-en id isna ta omon-onaak mo dakayo tapno masalakniban nan biyag di adoado ay ipogaw.

Juan 15:16

Baken kayo is nangpili ken sak-en ay mangisolo ken dakayo nodi sak-en nan nangpili ken dakayo. Pinilik dakayo ay omey mang-ikkan is gawis et siya nan kanegyo begas ay adi kaam-am-amin et ited Ama ken dakayo nan am-in ay dawatenyo isnan ngadanko tay mamati kayo ken sak-en.

Juan 19:11

Dat kanan Jesus, “Maid kalebbengam ken sak-en no egay inidyan Apo Dios ken sik-a. Isonga nan nang-idya ken sak-en ken sik-a et dadama nan basolda.”

Roma 9:16

Isonga baken nan ik-ikkan ya manglaydan nan ipogaw is gapo ay matongpal nan kayatda nodi gapo isnan seg-angna ken daida.

Filemon 1:15

Waay nan gapo ay tinaynan daka is sin-awyan et ta maitdowan siya tapno makitetee ken sik-a ay eng-enggana.