Genesis 41:8 - Kalin Apo Dios

⁸ Issan kawakgatana et dadama ay masasangot no ngan nan kayat ay kanan nan iitawna isonga danat paayagan am-in ay mamasilib is panggep di iitaw ya tap-in di kinasilib id Egipto. Inbagana ken daida nan iitawna ngem maiwed makaibaga isnan kayat ay kanan nan iitawna.

Genesis 41:8 Iomraidhean Croise

Genesis 40:6

Idi nawakgat dat ilaen Jose ay mensasadotda

Genesis 40:8

Dadat kanan, “Owen tay wada nan iitawmi ngem maiwed polos makaibaga isna isnan kayatda ay kanan.” Dat kanan Jose, “Si Apo Dios et kedeng nan mangidya isnan kabaelan nan ipogaw ay mangibaga isnan kayat ay kanan nan iitaw. Kadya, ibagayo nan iitawyo.”

Genesis 41:15

Kinwanin san ali ken siya, “Wada nan iitawko et maiwed makaibaga isnan kanana ngem dinngek ay makaibagaka isnan kanan nan iitaw isonga inpaayagko sik-a.”

Genesis 41:24

Dat aped kanen san pito ay kolaw san nanaptong. Inbagak nan iitawko isnan mamasilib isna ngem maiwed makaibaga no ngan nan kayat ay kanan nan naay iitawko.”

Genesis 41:7

dat aped kanen nan kolaw san nanaptong. Dat magido nan ali et getkena ay nin-iitaw kasin.

Salmo 25:14

Nan mangtongpal isnan apo et daida nan gagayyemna. Awnitna ipakneg nan nakitolagana ken daida.

Exodo 7:11

Dat paayagan nan ali nan mamasilib ya mensalsalamangka ay ipogawna et mensalamangkada abes dadapay ikkan nan inikkan Aaron.

Exodo 7:22

Ngem inikkan abes san deeyday mensalsalamangka isonga dat am-amed inpakedsen san ali nan nemnemna et egayna pinati da Moses ken Aaron ay kaneg san kinwanin nan apo.

Exodo 8:7

Ngem ninsalamangka san deeyday mensalsalamangka et padakaenda abes nan tokak.

Exodo 9:11

Olay nan deeyday mensalsalamangka et adida masagang si Moses tay napno gedan nan awakda is boyoy ay kaneg nan tap-in di iyEgipto.

Mateo 2:1

Isdin kaalin Herod et siya nan naiyanakan Jesus id Betlehem ay esay ili isnan probinsiya ay Judea. Issan deey ay timpo et inmey id Jerusalem nan mamasilib ay aamam-a ay nagapo isnan balaan di agew. Daida nan mang-ad-adal isnan maipanggep nan talaw. Omdanda pay dadat sooten,

Aapostolis 17:18

Dat wada nan omey ay makisongbat ken Pablo. Daida nan mangsolsolot isnan insolon din si Epicureo ya din si Estoicio. Wada ken daida nan mangwani en, “Ngan nan kankanan nan naay ay aped menkalkali is maid paayna?” Kanan abes nan tap-ina en, “Waay nan teken ay dios nan isolsolona.” Kananda di tay insolon Pablo nan maipanggep ken Jesus ya nan kasin matagowan di ipogaw.

Aapostolis 7:22

Et naisolowan si Moses isnan am-in ay adal nan iyEgipto et nalailaing ay mangmangwani isnan kankanana ya mang-ik-ikkan isnan ik-ikkana.

1 Corinto 1:19

Maila nan katet-ewan nan kinwanik isnan esay naisolat id kasin isnan kalin Apo Dios. Kinwanin Apo Dios en, “Nan silib di masilib ay ipogaw ay adi mamati et awnitak dadaelen tapno adi masilbi. Ya nan laingda et awnitak ipaila ay maid polos paayna ken sak-en.”