Genesis 41:43 - Kalin Apo Dios

⁴³ Inidyana gedan nan maikadwa ay kagawisan ay pagloganana ken Jose et olay intoy omay-ayana et wada nan mangon-on-ona ay mangmangwani en, “Menkiwang kayo.”

Genesis 41:43 Iomraidhean Croise

Genesis 41:44

Dat kanan san ali ken Jose, “Olay no sak-en nan ali ngem sik-a nan masapol ay mangibagbaga isnan am-in ay ik-ikkan di ipogaw id isna ay Egipto.”

Genesis 42:6

Si Jose nan gobilnadol isdi isonga siya nan mangilaklako isnan pagey. Isonga san bebsatna ay inmey isdi et ninlokbobda ay mangdayaw ken siya.

Genesis 45:26

Dadat kanan ken amada, “Daan obpay ay natatago si Jose. Siya nan mentolay isnan am-in ay sakop di Egipto.” Nasngang si Jacob tay kaneg baken kapapati san kinwanida.

Genesis 45:8

Isonga baken kayo met-a is tet-ewa ay nangipaali ken sak-en id isna nodi si Apo Dios. Siya nan nang-ikkan isna ta menbalinak ay kangatowan ay opisyal di ali ya apon nan am-in ay wada ken siya ya mentolayak isnan am-in ay sakop nan Egipto.

Genesis 50:18

Dat omey san bebsatna ken siya et menpalintomengda isnan sagangna dadapay kanan, “Inmali kami ta menbaam dakami.”

Aapostolis 7:10

et binadbadangana siya isnan naligligatana. Gapo tay wada si Apo Dios ken siya ya wada nan intedna ay laingna et laylayden nan alin di Egipto ay makwani en Faro si Jose. Danat dotokan siya ay men-gobilnadol isnan am-in ay ili id Egipto ya men-ap-apo abes isnan am-in ay ipogaw isnan baey Faro.

Filipos 2:10

Ta nan am-in ay wada et dayawenda siya. Nan wada id daya ya isnan batawa ya nan natnatey gedan Et awnitda menpalintomeng am-in ay mangdayaw ken siya