Genesis 41:41 - Kalin Apo Dios

^41-42 Dat kaanen nan ali nan galmatna et ipasingsingna ken Jose danapay badowan siya is gawigawis danapay owayan is balitok. Danat kanan, “Ilam, idyak nan kalebbengam ay men-apo isnan am-in ay sakop nan Egipto.”

Genesis 41:41 Iomraidhean Croise

Genesis 39:22

Danat ipasoblat nan oblana ken Jose et siya nan kigad isnan iib-ana ay babalod ya isnan am-in ay maik-ikkan isnan pagbalodan.

Genesis 39:5

Menlogi isdi et pinagawis nan apo nan pamilyan Potifar ya nan mentetee isnan baeyna ya nan am-in ay kokwana isnan baeyna ya isnan dagana gapo ken Jose.

Genesis 41:44

Dat kanan san ali ken Jose, “Olay no sak-en nan ali ngem sik-a nan masapol ay mangibagbaga isnan am-in ay ik-ikkan di ipogaw id isna ay Egipto.”

Genesis 42:6

Si Jose nan gobilnadol isdi isonga siya nan mangilaklako isnan pagey. Isonga san bebsatna ay inmey isdi et ninlokbobda ay mangdayaw ken siya.

Genesis 45:8

Isonga baken kayo met-a is tet-ewa ay nangipaali ken sak-en id isna nodi si Apo Dios. Siya nan nang-ikkan isna ta menbalinak ay kangatowan ay opisyal di ali ya apon nan am-in ay wada ken siya ya mentolayak isnan am-in ay sakop nan Egipto.

Salmo 105:21

Dinotokana si Jose ay mangitakdeg ken siya ya mang-ayowan isnan itoltolayan nan ali.

Mateo 28:18

Dat somag-en si Jesus ken daida et kanana, “Naited ken sak-en nan am-in ay kabaelan id daya ya isnan batawa.

Aapostolis 7:10

et binadbadangana siya isnan naligligatana. Gapo tay wada si Apo Dios ken siya ya wada nan intedna ay laingna et laylayden nan alin di Egipto ay makwani en Faro si Jose. Danat dotokan siya ay men-gobilnadol isnan am-in ay ili id Egipto ya men-ap-apo abes isnan am-in ay ipogaw isnan baey Faro.