Genesis 41:25 - Kalin Apo Dios

²⁵ Dat kanan Jose, “San dowa ay iitawmo et men-iiso nan kananda. Inpagtek Apo Dios ken sik-a nan awnit ommat isna.

Genesis 41:25 Iomraidhean Croise

Genesis 40:8

Dadat kanan, “Owen tay wada nan iitawmi ngem maiwed polos makaibaga isna isnan kayatda ay kanan.” Dat kanan Jose, “Si Apo Dios et kedeng nan mangidya isnan kabaelan nan ipogaw ay mangibaga isnan kayat ay kanan nan iitaw. Kadya, ibagayo nan iitawyo.”

Genesis 41:16

Dat kanan Jose, “Apo, maid kabaelak ay mangibaga nodi si Apo Dios nan mangipagtek isnan kanan nan iitaw.”

Genesis 41:26

San pito ay menlalmes ay baka ya san pito ay nanaptong ay baga et pito ay gawis ay tew-en nan kayatda ay kanan.

Genesis 41:28

Siya na nan inpagtek Apo Dios ay awnit ommat.

Genesis 41:32

Nan gapo ay namindowa ay iniitawmo et ta ipailana ay tet-ewa ay ommat nan inbagak ken sik-a tay siya nan inbagan Apo Dios et naay nganngani ay ommat.

Salmo 98:2

Inpagtek nan apo nan nangabakana isnan nin-isalakanana ya inpailana isnan kailiili nan kinalintegna.

Exodo 9:14

Tay id wani et am-amedko dosaen sik-a, nan oopisyalismo ya nan ipogawmo ta manggetkanyo ay maid polos kanegko isnan batawa.

Isaias 43:9

Tay madagdagop nan kailiili ta omalida makidnge. Dakayo ay nagapo isnan kailiili, ay waday diosyo ay makaibaga isnan ommat is kasin? Sino ken daida nan makaibaga isnan om-ommat id wani? Ikawityo ngalod nan mang-ibaga isnan maipanggep ken daida, ay mangpaneknek no tet-ewada ya mang-ibaga no tet-ewa nan kankananda.

Amos 3:7

Sak-en ay kangatowan ay Apo et adiyak aped ik-ikkan nan ikkak no adiyak ipagtek on-ona isnan baak ya mamadtok dapay inpagtekko et.

Mateo 24:40

Tay isnan deey ay timpo et no wada nan doway lalalaki isnan payewda et maala nan esa dapay mataynan nan esa.

Marcos 13:23

Makailanyo. Ipaon-onak ay mangibaga ken dakayo isnan am-in tapno nenemnemenyo ta adi kayo maal-allilaw.”

Efeso 1:17

Menlol-owalowak ken Apo Dios ay kadayawan ay Ama tako ay nangibaa ken Apo Jesu Kristo. Dawdawatek ay itedna koma ken dakayo nan silib ay magapo isnan Ispirito Santo ay mangipagtek isnan am-in ay maipanggep isnan kinadiosna tapno getkenyo siya ay osto.

Naipagtek 4:1

Nakwas pay di daket tamaangen id daya daket ilaen nan natokaban ay eneb. Daket dengngen kasin san kali ay dinngek issan damo ay kaneg nan kalin di tanggoyob ay mangmangwani en, “Omalika isna ta ipailak ken sik-a nan awnit ommat.”