Genesis 4:2 - Kalin Apo Dios

² Dat kasin omanak is lalaki ay kangadan is Abel. Idi nasikenda dat menbalin si Abel is palapaspastol di kalnilo dapay si Cain et mannalon.

Genesis 4:2 Iomraidhean Croise

Genesis 3:23

Isonga dat pakaanen nan Apo ay Dios daida isnan galdin id Eden danat pakaykayen daida isnan lota ay nagapowanda.

Genesis 37:13

dat kanan amada ken Jose, “Kadya, omeyka id Sikem ay menpaspastolan nan bebsatmo isnan kalnilo ta ilaem no gawisda dakat somagong ta ibagam.” Dat kanan Jose en laydena isonga dat palobwaten amana siya isnan ilida ay Hebron et omey id Sikem. Idi inomdan si Jose id Sikem

Genesis 4:1

Nakwas pay di dat idlen Adam si asawana dat maliton. Inmanak siya is lalaki danat kanan, “Isnan badang nan apo et inmanakak is lalaki,” danat ngadanan is Cain.

Genesis 4:3

Isnan namingsan ay pinag-apit dat omala si Cain isnan tap-in nan inapitna ay mola et igasingna isnan apo

Salmo 127:3

Olay nan aan-ak et nagapoda isnan apo tay daida nan kaneg ligalo ay nagapo ken siya.

Exodo 3:1

Isnan naminsan ay agew ay ipaspastol Moses nan kalnilo ya kalding katogangana ay Jetro ay padi id Midian et inpadaana nan ipaspastolna isnan naango ay pondag engganay inomdanda id Sinai ay bilig ay awnit menpap-ailaan Apo Dios.

Lucas 11:50

Isonga nan ipogaw id wani et awnit madosada gapo isnan napatpateyan nan am-in ay mamadto enggana isdin nakaboliwan nan batawa

Lucas 11:51

ay menlogi isdin napateyan Abel enggana isdin napateyan Zacarias ay pinateyda isnan pantew ay ninbaetan nan Templo ya nan altar. Owen, ibagak ken dakayo ay awnit madosa nan ipogaw id wani gapo ken daida am-in ay napatpatey.

Juan 8:44

Dakayo nan an-ak Satanas ay amayo isonga laydenyo ay mangtongtongpal isnan laydena. Enggana isdin damo et ninpatpatey siya. Maiwed tet-ewa is kankanana tay siya di nan sigod ay ogalina ay menlaslastog. Isonga siya nan kagapowan nan am-in ay kinalastog.

1 Juan 3:10

Getken tako no si Apo Dios wenno si Satanas nan kaanak isnan ipogaw tay maila isnan ik-ikkana. Baken anak Apo Dios nan ipogaw ay mang-ik-ikkan isnan ngawi ya adi manglayad isnan iib-ana ay ipogaw.

1 Juan 3:12

Baken nan ngawi ay ogalin Cain koma is soloten tako. Tay sinolotna si Satanas et pinateyna nan innodina gapo tay kaliligetna nan gawis ay ogalina.

1 Juan 3:15

Tay isnan nemnem Apo Dios, no kaliliget nan ipogaw nan iib-ana et kanegna nan ipogaw ay pomapatey. Et getken tako ay maiwed nan biyag Apo Dios ay maid patenggana isnan pomapatey.