Genesis 4:16 - Kalin Apo Dios

¹⁶ Dat komaan si Cain isnan kad-an nan apo et omey mentee isnan ili ay kangadan is Nod ay wada isnan batog di balaan di agew isnan Eden. Dat omanak kasin da Adam ken Eva is lalaki ay kangadan is Set. Nan esay anak Set et si Enos. Nan esay anak Enos et si Kenan. Nan esay anak Kenan et si Mahalalel. Nan esay anak Mahalalel et si Jared. Am-in da tona et wada pay nan adoado ay an-akda ya naam-aam-amada esadapay matey. Nan esay anak Jared ay lalaki et si Enoc ya wada pay nan tap-in di anakna. Issan natatagowan Enoc et gawis nan inik-ikkana isonga laylayden Apo Dios siya. Dat aped mamaid tay inalan Apo Dios ay makitee ken siya. Nan esay anak Enoc ay lalaki et si Matusalem. Nan esay anak Matusalem ay lalaki et si Lamec. Nan esay anak Lamec ay lalaki et si Noe. Si Noe et tolo nan an-akna ay lalalaki ay da Sem, Ham ya si Jafet.

Genesis 4:16 Iomraidhean Croise

Genesis 3:8

Issan nalabiyana dadat dengngen ay mendad-aan nan apo ay Dios isnan galdin. Dadat men-gago isnan kak-aiw

Genesis 4:14

tay pakaanem sak-en ken sik-a ya isnan naay ay ilik. Maiwed baeyko ay apedak mendad-aan isnan batawa et nan mang-ila et mangpateyda.”

Salmo 5:11

Ngem nan am-in ay menkamang ken sik-a et menlagsakda. Mabalin ay kanayon ay menday-engda gapo is gasingda. Ibaliwam nan manglaylayad ken sik-a ta tet-ewa ay men-gasgasingda gapo ken sik-a.

Salmo 68:2

Kaneg nan maidageman di asok ya nan malonagan di allid isnan sag-en di apoy nan kaneg koma nan mamaidan nan mangik-ikkan is ngawi ken Apo Dios.

Exodo 20:18

Issan nangdengngan san deeyday ipogaw issan kido ya tanggoyob dadapay ilaen san kimat ya men-as-asok ay bilig dadat pomayegpeg isnan egyatda dadapay omad-addawi issan bilig.

Jonas 1:3

Dat menlobwat si Jonas ngem teken nan ninpaeyana ta itagtagana koma nan apo. Inmey id Joppe et das-ana nan bapol ay menpaey id Tarso ay ili id Espania. Binayadana nan pilitina daet makilogan issan bapol ay omey id Espania tapno omaddawi isnan apo.

Mateo 18:20

Tay olay no kedkedeng nan dowa wenno tolo is madagop gapo isnan mamatiyanda ken sak-en et wadaak gedan ken daida.”

Lucas 13:26

Dakayot kanan kayet, ‘Dapay nakikikan kami ken sik-a ya insolsolowam dakami isnan ilimi.’

Juan 1:10

Inmali san makwani en Kali isnan batawa et olay no naboliw gapo ken siya et egay kayet inmatonan nan ipogaw siya.

Juan 1:3

Inpaboliw Apo Dios ken siya nan am-in et maiwed nawada no egayna boliwen.

1 Tesalonica 1:9

Tay daida nan mangibagbaga ken dakami isnan inommat issa. Ibagbagada nan gasingyo ay nangdenge issan inbagami. Ibagbagada gedan nan nangtaynananyo isnan sinang didios isnan namatiyanyo ta mensilbi kayo ken Apo Dios ay tet-ewa ay Dios ay matatago.