Genesis 37:9 - Kalin Apo Dios

⁹ Dat wada kasin nan iitaw Jose. Danat ibaga isnan bebsatna, “Wada nan iitawko kasin ay inilak kano nan agew, bowan, ya nan simpoo ya esa ay talaw ay ninpalintomeng ken sak-en.”

Genesis 37:9 Iomraidhean Croise

Genesis 37:10

Inbagana gedan ken amana nan iitawna dat islat amana ay mangwani, “Ngan di kaneg tosa is iitaw? Ay kanam en si inam, sak-en ya nan bebsatmo et esakami menpalintomeng ken sik-a?”

Genesis 37:7

Wada tako kano am-in isnan payew ay menbedbedbed is pagey dat matood nan binedbedko dat likoben nan binedbedyo et menyodongda ken siya.”

Genesis 37:8

Dadat mamaslat ay mangwani, “Ay kanam en esakami men-apo sik-a?” Isonga am-amedda kaseselat siya gapo isnan iitawna ya nan kinwanina maipanggep isnan iitawna.

Genesis 41:25

Dat kanan Jose, “San dowa ay iitawmo et men-iiso nan kananda. Inpagtek Apo Dios ken sik-a nan awnit ommat isna.

Genesis 41:32

Nan gapo ay namindowa ay iniitawmo et ta ipailana ay tet-ewa ay ommat nan inbagak ken sik-a tay siya nan inbagan Apo Dios et naay nganngani ay ommat.

Genesis 42:6

Si Jose nan gobilnadol isdi isonga siya nan mangilaklako isnan pagey. Isonga san bebsatna ay inmey isdi et ninlokbobda ay mangdayaw ken siya.

Genesis 45:9

Ala ikamoyo bawet ta somagong kayo ken ama ta ibagayo ken siya en siya na nan kanak ay anakna ay si Jose. Kananyo en pinabalin kano Apo Dios si Jose ay mentolay isnan am-in ay sakop nan Egipto et omey tako kano ay dagos. Adi tako kano mentaktataktak.

Filipos 2:15

ta maiwed koma makaipabasol ken dakayo ay an-ak Apo Dios. Olay no makitetee kayo isnan mang-ik-ikkan is ngawi isnan naay ay batawa et adi kayo koma maal-alisan isnan ngawi ay ik-ikkanda nodi maila koma ay gawis ya osto nan ik-ikkanyo tay kanegyo nan silaw ay mangtanggew isnan nemnem di ipogaw isnan batawa.