Genesis 37:8 - Kalin Apo Dios

⁸ Dadat mamaslat ay mangwani, “Ay kanam en esakami men-apo sik-a?” Isonga am-amedda kaseselat siya gapo isnan iitawna ya nan kinwanina maipanggep isnan iitawna.

Genesis 37:8 Iomraidhean Croise

Genesis 37:4

Idi inilan nan bebsatna ay laylayden amada si Jose mo daida dadat mamaslat ken siya et ngawi nan ikkanda ay menkali ken siya.

Genesis 37:9

Dat wada kasin nan iitaw Jose. Danat ibaga isnan bebsatna, “Wada nan iitawko kasin ay inilak kano nan agew, bowan, ya nan simpoo ya esa ay talaw ay ninpalintomeng ken sak-en.”

Genesis 50:18

Dat omey san bebsatna ken siya et menpalintomengda isnan sagangna dadapay kanan, “Inmali kami ta menbaam dakami.”

Salmo 118:22

Nan bato ay inadyan di ninsaad is baey et siya nan kapatgan tay ipakekenegna nan baey.

Exodo 2:14

Dat songbatan san nakabasol et kanana en, “Ay sino nan nangdotok ken sik-a ay mentolay ya mang-banag ken dakami? Ay pateyem abes sak-en ay kaneg san inikkam issan esay iyEgipto?” Dat inmegyat si Moses et kanana isnan nemnemna en, gintekda et obpay san inikkak.

Lucas 19:14

Ngem kaliliget nan kailiyana siya isonga dadat omibaa is mang-onod ken siya ta enda ibaga isnan mangdotok ay adida layden siya is men-alida.

Lucas 20:17

Dat inengneng Jesus daida et kanana, “Ay sino ngalod nan kayat ay kanan din naisolat id kasin ay naay, ‘Nan bato ay inadyan di nangsaad isnan baey et siya nan kapatgan tay ipakekenegna nan baey.’

Aapostolis 7:35

Dat itoloy Esteban ay mangwani en, “Din si Moses ay egay dinawat din kadalaana ay nangwaniyanda en, ‘Ayke waday lebbengmo ay men-apo ken dakami ya mangibanag isnan ik-ikkanmi?’ et siya kayet nan inbaan Apo Dios ay men-apo ya mangipalobos ken daida isnan napalpaligatanda. Et nan anghel ay ninpaila ken siya issan kaiw et binadbadangana siya.

Deuteronomio 33:16

Mapno koma nan dagada isnan am-in ay gawis ay banag ay binindisyonan nan apo. Siya nan apo ay ninkali isnan tengan di menbidbidang ay kaiw. Menpaay koma am-in dana isnan sinpangapon din si Jose tay siya nan nang-ipangolo isdin bebsatna.

Hebreo 10:29

Isonga am-amed nan dosan nan ipogaw ay mang-iiyaw isnan Anak Apo Dios. No nemnemnemena ay maid paay nan basan Jesus ay intedna isnan nateyana tapno matongpal nan balo ay tolag Apo Dios ay nangdalos ken siya ya no iiyawena nan Ispirito Santo ay mangiyal-ali isnan gawigawis ay badang Apo Dios et bagayna no pilmi nan dosana.