Biblia Todo Logo
Bìoball air-loidhne

- Sanasan -




Genesis 37:4 - Kalin Apo Dios

4 Idi inilan nan bebsatna ay laylayden amada si Jose mo daida dadat mamaslat ken siya et ngawi nan ikkanda ay menkali ken siya.

Faic an caibideil Dèan lethbhreac




Genesis 37:4
19 Iomraidhean Croise  

Nan bebsat Jose et mamaslatda ken siya ngem si amana et nemnemnemena no ngan nan kayat ay kanan nan iitawna.


Isnan namingsan wada nan iitaw Jose et idi inbagana isnan bebsatna dadat am-amed mamaslat ken siya.


ngem inadiyana san inikkan Cain. Dat makaliget si Cain et men-aamod.


Ngem wadada pay laeng nan mang-ap-apos ken sak-en dadapay napigsa. Inmadoda nan mangliliget ken sak-en ay maid gapona.


Nan mangliliget ken sak-en is maid gapona et ad-adoda mo nan bookko. Napigsada et kaytenda ay mangpatey. Menkalida pay is baken tet-ewa maipanggep ken sak-en dadapay ipapati ay alaen nan kokwak ay kanegko inakew.


Kaneg abes nan sinbaey ay no maid olnosda et mabokada.


Tay masapol ay baken kaneg nan inik-ikkan tako id kasin nan ikkan tako id wani. Id kasin maid gintek tako is maipanggep ken Apo Dios ya nan lintegna. Isonga egay tako pinati nan bilina. Sinolsolot tako nan baken tet-ewa ay solsolo ya pinatpati tako nan kompolmi ay kagagasing tako ay ngomawiyan nan awak tako tay maid kabaelan tako ay nang-adi is dadi. Tay id kasin men-inamis, men-inapal ya menliniget tako ay ipogaw.


Ngem nan mangliliget isnan ib-ana et kaneg mentetetetee isnan menbolinget. Adina getken nan gawis. Kanegna nan ipogaw ay adi mangtek isnan dad-aanena tay kaneg kokowapen nan menbolinget siya.


Getken tako no si Apo Dios wenno si Satanas nan kaanak isnan ipogaw tay maila isnan ik-ikkana. Baken anak Apo Dios nan ipogaw ay mang-ik-ikkan isnan ngawi ya adi manglayad isnan iib-ana ay ipogaw.


Baken nan ngawi ay ogalin Cain koma is soloten tako. Tay sinolotna si Satanas et pinateyna nan innodina gapo tay kaliligetna nan gawis ay ogalina.


Ngem no kanan nan ipogaw en laylaydena si Apo Dios dapay no kaliligetna nan ib-ana ay ipogaw et menkamkampot siya. Tay no maid layadna isnan iib-ana ay il-ilaena et am-amed si Apo Dios is adina layden tay adina iilan.


Lean sinn:

Sanasan


Sanasan