Genesis 32:26 - Kalin Apo Dios

²⁶ Dat kanan san am-ama ken siya, “Palobosam sak-en tay naay pomat-a.” Dat kanan Jacob, “Adiyak enggana ay mangbindisyonka on-ona.”

Genesis 32:26 Iomraidhean Croise

Genesis 32:25

Idi ilaen san am-ama ay adi makaabak ken Jacob danat mensogto nan leplepyak Jacob et maikobsil nan ninsoopan di tolangna.

Genesis 32:27

Dat sooten san am-ama, “Ay ngan nan ngadanmo?” “Jacob,” insongbatna.

Salmo 67:1

Apo Dios, seg-angam kad dakami ta bindisyonam dakami. Ipailam nan kinagawismo ken dakami

Exodo 32:10

Isonga adim iyad-adi sak-en tay dadama nan ligetko ken daida et dosaek daida. Daket paad-adowen nan an-akmo ya nan aap-om engganay menbalin kayo ay napigsa ay sinpangili.”

Isaias 45:11

Kanan nan apo ay Dios di Israel ay nangboliw ken daida en, “Ay wada od kalebbenganyo ay mangsoot ken sak-en is awnit ommat isnan maipanggep nan an-akko wenno mang-ibagbaga ken sak-en is masapol ay ikkak?

Isaias 64:7

Maiwed pay menlowalo ken sik-a ya mendawat is badangmo. Intabonam od dakami et binaybay-am dakami gapo isnan basbasolmi.

Roma 8:37

Ngem olay wada am-in ay ligat et maid kabaelanda ay mang-abak ken datako tay wada si Kristo ay manglaylayad ken datako.

1 Corinto 15:58

Isonga kanak ken dakayo ay laylaydek ay bebsatko en itoltoltoloyyo ay mamati ya adi masoksokatan koma nan nemnemyo olay waday mangdoldolog ken dakayo. Ik-ikkanyo ay kanayon nan oblayo ay pala ken Kristo tay getken tako ay mapaay nan am-in ay ik-ikkan tako ay pala ken siya.

Hebreo 5:7

Inpailan Jesus ay maibagay siya ay mang-ik-ikkan isnan oblan nan kangatowan ay padi tay isdin nganngani ay mateyana isdin kad-ana isnan naay ay batawa et dadama nan ninlowalowana ken Apo Dios ay makabael ay mangisalakan ken siya ta no mabalin koma et adi matey. Palalo ay nin-ag-aga ngem egayna inpapati nan kayatna nodi inpalobosna ay nan am-in ay layden Apo Dios nan masapol ay matongpal. Isonga dinngen Apo Dios nan lowalona.