Genesis 32:10 - Kalin Apo Dios

¹⁰ Ngem adiyak kapaay dakapay kayet ik-ikkan nan gawis ken sak-en ay baam. Isdin nanggedangak isnan ginawang ay Jordan ay kinmaanak isnan ilik et maid ginegen-ak nodi kedeng nan sokodko ngem id wani pay et naay somagongak ay wada nan naay dowa ay bonggoy.

Genesis 32:10 Iomraidhean Croise

Genesis 18:27

Kinwanin kasin Abraham, “apo, gapo tay inlogik ay ninkali et palobosam koma sak-en ta itoloyko nan kayatko ay kanan olay no apedak ipogaw et kedeng.

Genesis 28:13

Isnan sag-ena et wada nan apo ay tomatakdeg ay mangmangwani en, “Sak-en nan apo ay Dios da Abraham ken Isaac ay amam. Awnitak idya ken sik-a ya nan ap-om nan daga ay naay ay pinopodanam.

Genesis 28:15

Nenemnemem ay wadaak ken sik-a ya banbantayak sik-a olay intoy omay-ayam ya esak pasagongen sik-a isna ya adiyak taytaynan sik-a et ikkak am-in ay insapatak ken sik-a.”

Genesis 32:5

Iyalina kano nan ado ay baka, kalding, kalnilo, kabayo ya baa et inpaibagana na ken sik-a, Apo, ta gomasingka kano.”

Genesis 32:7

Inmegyat si Jacob danat gedwaen is dowa ay bonggoy nan ipogawna ya nan kalnilo, kalding, baka, ya nan kamelio

Salmo 16:2

Kinwanik isnan apo en, “Sik-a nan Apowek. Am-in nan gawis ken sak-en et sik-a nan nagapowana.”

Salmo 18:35

apo, sik-a nan salaknibko tay maid om-ommat ken sak-en gapo isnan panakabalinmo ya naipangatowak isnan badangmo.

Salmo 61:7

Apo Dios, mentolay siya koma ay eng-enggana ay tatakdowem. Nan layadmo ya nan kinamatalekmo koma nan mangsalsalaknib ken siya.

Salmo 8:5

Id wani ipabababam daida mo nan aanghel ngem sin-awyan et kedeng tay awnitmo ipangato ya patgepatgen daida.

Salmo 84:7

isonga am-amedda bomikas et awnitda menpalang ken Apo Dios id Sion.

Salmo 85:10

Ipailan nan apo nan adi menbalbaliw ay layad ya talekna isnan ipogawna ya ipailana gedan nan kinalintegna danapay palamlamninen nan ipogawna.

Isaias 6:5

Daket kanan, “Ay inayan, maid et namnamak. Nabaosak tay nalogit nan topekko ya am-in ay kailyak et ngawi gedan nan kankananda dakpay inila et isnan mismo ay matak nan Ali ay apo ay manakabalin.”

Lucas 17:10

Kaneg abes ken dakayo no kinwasyo am-in nan inbagan Apo Dios ay ikkanyo et adiyo it-it-ek nodi kananyo en, ‘Aped tako is nabab-aa et inikkan tako et kedeng nan masapol ay ikkan tako.’”

Lucas 5:8

Idi inilan Simon Pedro san inommat dat menpalintomeng ken Jesus et kanana, “Apo, mabainak ken sik-a tay managbasolak isonga taynam sak-en.”

2 Corinto 12:11

Gapo tay nan awakko nan inbagak kaneg baken osto nan nemnemko ngem napilitak ay mangwani gapo isnan ik-ikkanyo. Dapay gag-awis koma no dakayo nan mangibaga isnan tet-ewa ay maipanggep ken sak-en. Tay olay no maid kabaelak ngem baken nan agin-aapostolis is nangatngato mo sak-en ay olay no isnan nemnemda et daida nan kangatowan.

Deuteronomio 8:18

Nenemnemenyo na. Nan apo ay Diosyo nan mang-idya ken dakayo isnan kabaelanyo tapno bomaknang kayo. Ik-ikkana na gapo tay enggana id wani et oowenana nan tolagna ay din nakitolagana isdin alal-apoyo.

1 Pedro 5:5

Dakayo ay bibinayan ay somolsolot et wada abes nan ibagak ken dakayo. Kanak en masapol ay patiyenyo ay gawis nan it-itdon nan mangipangpango ken dakayo. Adiyo ipapangato nan nemnemyo. Managkoya kayo am-in tay kanan nan naisolat ay kalin Apo Dios en, “Adyan Apo Dios nan menpapangato ngem badbadangana nan mangipabababa isnan nemnemna.”