Genesis 3:19 - Kalin Apo Dios

¹⁹ Masapol ay menling-etka ay men-obla isnan lota esapay waday kanenyo engganay somagongka isnan lota ay nagapowam. Tay nan lota nan nagapowam et awnitka kasin menbalin is lota no mateyka.”

Genesis 3:19 Iomraidhean Croise

Genesis 18:27

Kinwanin kasin Abraham, “apo, gapo tay inlogik ay ninkali et palobosam koma sak-en ta itoloyko nan kayatko ay kanan olay no apedak ipogaw et kedeng.

Genesis 2:7

Dat alaen nan apo nan lota et sapowena is ipogaw danat isip-oy nan leng-ag di biyag isnan eeng nan sinapona dat matago san lalaki.

Genesis 3:18

tay awnit tomobo nan loglogam ya sibsibit et awnit nan kankanenyo et logam.

Job 19:26

Et olay no nadonot nan awakko ngem awnitko ilaen si Apo Dios.

Salmo 103:14

tay getkena nan menkapsotan tako ya gegetkena ay lota nan nagapowan tako.

Salmo 104:23

dapay abes bomala nan ipogaw ay men-obla enggana ay masmasdem.

Salmo 104:29

No baybay-am daida et madanaganda. No kaanem nan angesda et mateyda et somagongda isnan lota ay nagapowanda.

Salmo 127:2

Ya baken nan men-oblaan di ipogaw isnan wakgat enggana ay labi is gomawisan di panagbiyagda nodi gapo tay nan apo nan Mang-idya is masapol di laylaydena isonga maid madadanaganda.

Salmo 22:15

Naango pay nan ayokookko ay kaneg nan naangoango ay lota ya naipket et nan dilak isnan tangenko. Tinaynam sak-en isnan lota ay matmatey.

Salmo 22:29

Am-in ay menpapangato ya nababa et menlokbobda ken siya. Owen, am-in ay ipogaw ay olay nan matmateyan et menlokbobda gedan.

Salmo 90:3

Maisagongmo nan ipogaw isnan lota dakapay kanan en, “Somagong kayo isnan lota ay sigod ay nagapowanyo.”

Daniel 12:2

Nan epdas natey et kasinda matago. Nan tap-ina ken daida et awnit matagotagoda ay eng-enggana dapay nan tap-ina et maibabainda ya maid patenggan nan dosada.

1 Corinto 15:47

Si Adam et naboliw ay nagapo isnan lota ngem si Kristo et id daya nan nagapowana.

Efeso 4:28

No waday mangakew ken dakayo et masapol ay isaldengna et ta bomikas ay men-obla is katagowana ya tasiyay wada gedan di ibadangna isnan kodokdo.

1 Tesalonica 2:9

Waay nemnemnemenyo kayet nan dadama ay nin-oblaanmi. Labi ya kag-aw et intoltoloymi ay ninsapsapo is inlaklakomi dakamipay isolsolo nan gawis ay damag ay nagapo ken Apo Dios. Ninsapsapo kami is inlaklakomi tasiyay waday menkatagomi tapno egay kayo napaligatan ay men-gasto pala ken dakami.

2 Tesalonica 3:10

Issan nakiteteanmi ken dakayo et kinkinwanimi en, “No adyan nan ipogaw ay men-obla et masapol ay adi mangan abes.”

Hebreo 9:27

Am-in tako ay ipogaw et tet-ewa ay mamingsan nan mateyan tako. Datakot mabanag am-in isnan kaodiyan ay timpo.