Genesis 3:17 - Kalin Apo Dios

¹⁷ Danat kanan isnan lalaki, “Pinatim nan asawam dakapay kinan nan inbagak en adiyo kankanen. Gapo isnan inikkam et baosek nan lota isonga masapol ay menligatka ay men-obla isnan lota enggana isnan katatagowam tasiyay waday ommaam is kanenyo

Genesis 3:17 Iomraidhean Croise

Genesis 3:11

“Sino nan nangibaga en ninlalaboska? Ay kinanmo san begas di kaiw ay inbagak en adim kankanen?” sinoot Apo Dios.

Genesis 3:18

tay awnit tomobo nan loglogam ya sibsibit et awnit nan kankanenyo et logam.

Genesis 3:6

Inilan san babai ay gawigawis san deey ay kaiw ya gawigawis gedan nan begasna is makan danat nemnemen ay kagagasing nan menbalin is masilib isonga dat pomoting et kanena danat agtan si asawana danat abes kanen.

Genesis 8:21

Nan songsong nan mapoowan ay maigasing ken Apo Dios et laylaydena danat kanan isnan nemnemna, “Adiyak kasin eng-engewen nan batawa gapo isnan ik-ikkan nan ipogaw tay getkek ay ngawi ay sigod nan nemnemda. Adiyak gedan eng-engewen nan am-in ay matmatago ay kaneg nan inikkak.

Job 14:1

Naay nan kinwanin Job isnan apo. “Am-in nan ipogaw et naiyanakda ay nakapsot dadapay maligligatan ya apti-aptik nan biyagda.

Salmo 127:2

Ya baken nan men-oblaan di ipogaw isnan wakgat enggana ay labi is gomawisan di panagbiyagda nodi gapo tay nan apo nan Mang-idya is masapol di laylaydena isonga maid madadanaganda.

Mateo 22:12

Dat kanan san ali ken siya en, ‘Gayyemko, aytay dakan wada isna dakapay egay ninbado isnan pala bodam?’ Ngem aped gomiginek san am-ama.

Mateo 25:45

Daket kanan ken daida en, ‘Ibagak ken dakayo nan tet-ewa et isdin nang-adyanyo ay badangan nan kababaan ay mamati ken sak-en et kaneg sak-en nan inadyanyo.’

Lucas 19:22

Dat kanan san ali en, ‘Ngawika is baa. Moltaek sik-a isnan am-in ay kinwanim. Getkem ngalod ay masapol ay matongpal nan kanak et men-galansiyaak nan egayko ninligatan ya apitek nan egayko gedan inis-ek.

Juan 16:33

Inbagak na ken dakayo tasiyay menlamlamnin kayo isnan maitatapiyanyo ken sak-en tay awnit paligaten nan adi mamati dakayo. Ngem olay, papigsaenyo kayet nan nemnemyo tay inabakko si Satanas ay ap-apon nan adi mamati ya nan am-in ay anito.”

Roma 3:19

Getken tako ay inpasolat Apo Dios nan lintegna tapno tongpalen nan ipogaw ay nang-itedana. Isonga adi kabalin ay menlason nan olay esay ipogaw isnan mangbanagan Apo Dios ken datako tay olay wada ken datako nan linteg Apo Dios et adi tako tongtongpalen.

Hebreo 6:8

Ngem no loglogam ya sibsibit et kedeng nan tomobo isnan lota et maid paayna. Isonga nganngani ay dadaelen Apo Dios nan kaneg todi tay awnitna poowan ay kaneg nan ikkana isnan mangdokog isnan pammatina.