Genesis 3:16 - Kalin Apo Dios

¹⁶ Danat kanan isnan babai, “Paad-adowek nan ligatmo isnan kalilitonam ya nan sakit isnan omanakam. Ngem olay no siya di et laylaydem kayet nan asawam ya siya nan apom.”

Genesis 3:16 Iomraidhean Croise

Genesis 4:7

No osto koma nan ikkam et men-gasingka. Ngem gapo isnan ngawi ay inikkam et aw-awisen Satanas sik-a ay bomasol ngem masapol ay abakem siya.”

Salmo 48:6

Ninpayepayegpegda is egyatda ya danagda id isdi ay kaneg nan ikkan di menpasikal

Isaias 53:11

No makwas et nan napalpaligatana daet menlagsak kasin. Awnitna getken et ay masilbi nan ninligligatana. Nan matalek ay baak ay kagagasingko et awnitna awiten nan dosan di adoado et gapo ken siya et pakawanek daida.

Juan 16:21

Kaneg nan omanakan nan babai et kaseseg-ang nan ilana gapo isnan menpasikalana ngem no epdas binmala nan onga et kalingkingana et nan sakitna gapo isnan gasingna isnan onga.

1 Corinto 11:3

Ngem wada pay nan masapol ay getkenyo et siya na. Nan babai et nan asawana nan apona. Nan lalaki abes et si Kristo nan apona ya nan apon Kristo et si Apo Dios.

1 Corinto 14:34

Isnan am-in ay simbaan di mamati et baken koma nan babai is men-itdo. Adida maipalobos ay mang-ikkan isdi tay masapol ay nabababada mo nan lalalaki tay siya nan kanan nan linteg ay naisolat id kasin isnan kalin Apo Dios.

1 Corinto 7:4

Tay no omasawa nan babai et baken siya et kedeng is kakwa isnan awakna. Nodi wada nan lebbeng nan asawana isnan awakna. Siyangna isnan lalaki. Wada nan lebbeng nan asawana isnan awakna.

Colosas 3:18

Dakayo ay bababai, patgenyo nan as-awayo tay siya nan masapol ay ikkan nan mamati ken Jesu Kristo.

1 Tesalonica 5:3

Isnan omdanan nan timpo ay deey et nan wada isnan nemnem di adi mamati et kananda en nasingpa nan biyagda ya maid madadanaganda. Dat domateng ay golpi nan dosa ay maid patenggana. Et maid somya is lomayawanda. Kaneg nan golpi ay menpasikalan nan omanak nan kaneg nan domatngan nan dosa ay maid patenggana ken daida.

1 Timoteo 2:13

Tay baken nan babai ay si Eva is damo ay binoliw Apo Dios nodi nan lalaki ay si Adam.

1 Timoteo 2:15

Siya nan gapo ay mapaligatan nan bababai ay omanak ngem badbadangan Apo Dios daida kayet ta maisalakanda no itoltoloyda ay mamati ken siya. Masapol abes ay managlayadda isnan ib-ada ya nadiosan koma nan nemnemda ay mang-ikkan is ostoosto.

Tito 2:5

Bagbagaanda daida tapno ten-enda nan am-in ay ik-ikkanda tapno maid ngawi is ik-ikkanda. Masapol ay nadalos nan nemnemda ay adida lomalaki. Masapol ay nan oblada isnan bab-aeyda nan nenemnemenda. Bagbagaan nan nain-ina daida abes tapno naanosda ya managpatida isnan as-awada. No kaneg todi nan ik-ikkanda et adi madeldelaw nan mait-itdo ay nagapo ken Apo Dios.