Genesis 3:10 - Kalin Apo Dios

¹⁰ Danat kanan, “Dinngek ay wadaka isnan galdin isonga inmegyatak daket men-gago tay ninlalabosak.”

Genesis 3:10 Iomraidhean Croise

Genesis 2:25

San lalaki ya san asawana et ninlalabosda ngem adida mabain.

Genesis 3:11

“Sino nan nangibaga en ninlalaboska? Ay kinanmo san begas di kaiw ay inbagak en adim kankanen?” sinoot Apo Dios.

Genesis 3:7

Idi kinanda di dadat manalikna ay ninlalabosda dadaet menbinain isonga dadat mendait is tobon di kaiw et igatengda.

Salmo 119:120

Menpayegpegak is egyatko ken sik-a ya iyegyatko nan pangbanbanagmo.

Exodo 20:18

Issan nangdengngan san deeyday ipogaw issan kido ya tanggoyob dadapay ilaen san kimat ya men-as-asok ay bilig dadat pomayegpeg isnan egyatda dadapay omad-addawi issan bilig.

Exodo 20:19

Dadat kanan ken Moses en, “Dengngenmi no sik-a nan menkali ngem no si Apo Dios nan makikali ken dakami et waay matey kami is egyatmi.”

Exodo 3:6

Dat itoloy Apo Dios ay mangwani en, “Sak-en nan Dios ay daydayawen din alal-apoyo id kasin ay da Abraham, Isaac yas Jacob.” Dat oppopen Moses nan angasna tay omegyat ay mang-ila ken Apo Dios.

Exodo 32:25

Ginteket Moses ay inpalobos Aaron nan deeyday ipogaw ay men-ikkan is ngawi et pinabalinda nan aw-awakda ay kababain isnan pang-iilaan nan mang-ap-apos ken daida.

1 Juan 3:20

No mamingsan et nemnemnemen tako ay mangwani en waay adi layden Apo Dios datako tay ngawi tako. Ngem adi tako mendowadowa koma isnan nangiyanakan Apo Dios ken datako. Tay nangatngato nan nemnemna mo nan nemnem tako. Getkena nan am-iam-in isonga getkena ay wada nan basol tako ngem laylaydena kayet datako.

Naipagtek 16:15

Dadat dagopen nan al-ali ya nan sosoldadoda isnan kadagdagopanda ay kanan nan Judio en Armagedon. Ngem kankanan Jesu Kristo en, “Dengngenyo na. Awnitak omali isnan adiyo getken ay timpo ay kaneg nan ikkan nan mangakew. Nagasat nan nakasagana ay mangses-eed ken sak-en ay adi kaseseyep nodi menbabado tasiyay adi kabain isnan omaliyak.”